90 нафар магистранту донишҷӯён Академияи идоракунии давлатиро бо дипломи аъло хатм карданд
ДУШАНБЕ, 06.08.2022 /АМИТ «Ховар»/. 5 август дар Академияи идоракунии давлатии назди Президенти Ҷумҳурии Тоҷикистон маросими супоридани дипломҳои аъло ба хатмкунандагони зинаи бакалавриат ва магистратура дар соли таҳсили 2022-2022 баргузор шуд. Имсол 776 нафар зинаҳои бакалавриат ва магистратураи Академияи идоракунии давлатии назди Президенти Ҷумҳурии Тоҷикистонро хатм намуданд, ки аз ин шумора 90 нафар донишҷӯёну магистрантон соҳиби дипломи аъло гардиданд, хабар доданд ба АМИТ «Ховар» дар Академия.
Дар ҷамъомад ректори Академия Абдухалил Ғафурзода, ноибони ректор, омӯзгорону кормандон ва хатмкунандагон иштирок намуданд.
Абдухалил Ғафурзода иброз дошт, ки пайравони асили Пешвои миллат — дастпарварони ин боргоҳи маърифат нафароне ҳастанд, ки садоқату самимият, эҳтиром ба Ватан — модар ва пеш аз ҳама, ба муассиси Академия- Асосгузори сулҳу ваҳдати миллӣ — Пешвои миллат муҳтарам Эмомалӣ Раҳмон доранд.
«Хатмкунандагони ин даргоҳ бояд бо донишҳои андӯхта аз ҳама қишрҳои ҷомеа бештар фаъол бошанд, ташаббусҳои созанда нишон диҳанд, рамзҳои давлатӣ, муқаддасоти миллӣ ва дастовардҳои истиқлолиятро ҳифз намоянд, ҳамзамон дар ҳаёти сиёсиву иҷтимоии Ватани маҳбубамон бо дасту дили гарм ва неруи бунёдгарона ширкат варзида, амнияти давлат ва шарафу номуси ватандориро ҳимоя кунанд ва ҳамчун пайравони асили Пешвои муаззами миллат ба халқу Ватан содиқона хизмат намоянд»,- гуфт Абдухалил Ғафурзода.
Зикр шуд, ки ҷалби ҷавонон ба илмомӯзӣ аз рӯзҳои нахустини соҳибистиқлолӣ дар меҳвари таваҷҷуҳи Президенти Ҷумҳурии Тоҷикистон муҳтарам Эмомалӣ Раҳмон ва Ҳукумати мамлакат қарор дошт. Имрӯз аксари кормандони сохторҳои давлатиро ҷавонон ташкил медиҳанд. Ин аз он шаҳодат медиҳад, ки Пешвои миллат ба садоқати насли ҷавон ва қудрату тавоноии ин қишри ҷомеа боварӣ ва эътимоди қавӣ доранд.
Дар вазъияти тантанавӣ ба 90 нафар – 62 магистрант ва 28 донишҷӯ дипломҳои аъло супорида шуданд.
АКС: Академияи идоракунии давлатии назди Президенти ҶТ
БАҲОГУЗОРИИ МУОСИР. Низоми 10-хола на танҳо рақам, балки роҳ ба сӯи адолат, шаффофият ва рушди воқеии қобилияти хонандагон аст
200 нафар хонандагони болаёқати шаҳри Душанбе ба истироҳатгоҳи «Шарора» ҷалб гардиданд
Бахшида ба Соли байналмилалии ҳифзи пиряхҳо китоби «Қалби яхбастаи Осиё. Пиряхҳои Тоҷикистон дар мусаввараҳо ва суратҳо» ба нашр расид
85 фоизи хатмкунандагони филиали Донишгоҳи миллии таҳқиқотии технологӣ «МИСИС» бо ҷойи кор таъмин мегарданд
Муовини Сарвазири Тоҷикистон бо омодагии муассисаҳои таълимии вилояти Суғд ба соли нави хониш шинос шуд
НИШАСТИ МАТБУОТӢ. Филиали Донишгоҳи давлатии Москва дар Душанбе бо 40 муассисаи хориҷӣ ҳамкории илмӣ дорад
Фарогирии кӯдакон ба зинаи томактабӣ дар Душанбе дар сатҳи ҷумҳурӣ натиҷаи баландтарин аст, — бардошт аз мулоқот бо кормандони соҳаи маорифи пойтахт
Дар 77 муассисаи таълимии Истаравшан беш аз 60 ҳазор хонанда ба таҳсил фаро гирифта шуд
Дар Суғд таҳти раёсати муовини Сарвазири Тоҷикистон Дилрабо Мансурӣ оид ба иҷрои барномаҳои давлатии соҳаи маориф ҷаласа доир шуд
Маркази миллии тестӣ: сатҳи истифодаи хизматрасонии онлайнӣ аз ҷониби довталабон нигаронкунанда аст
Омӯзгорони тоҷик дар даври омӯзишии байналмилалии «KLIC LEAD Global Workshop 2025» дар Корея иштирок доранд
НИШАСТИ МАТБУОТӢ. Шумораи донишҷӯёни хориҷӣ дар Донишкадаи тиббӣ-иҷтимоии Тоҷикистон зиёд гардидааст
