«Амонатбонк» ва «KazakhExport» бо мақсади ҷалби сармоя ва рушди соҳибкорӣ Ёддошти тафоҳум ба имзо расониданд
ДУШАНБЕ, 16.08.2022 /АМИТ «Ховар»/. Ширкати содиротию суғуртавии «KazakhExport» тасмим гирифтааст, ки дилхоҳ пешниҳод ва дархостҳои соҳибкорони Тоҷикистонро, ки аз Қазоқистон молу маҳсулот ворид менамоянд, дар ҳамкорӣ бо Бонки давлатии амонатгузории Ҷумҳурии Тоҷикистон «Амонатбонк» ҷонибдорӣ намояд. Ин нуктаро раиси Раёсати ширкати содиротию суғуртавии «KazakhExport»-и Қазоқистон Калигазин Аслан зимни мулоқот бо раиси Раёсати Бонки давлатии амонатгузории Ҷумҳурии Тоҷикистон «Амонатбонк» Сироҷиддин Икромӣ дар Душанбе изҳор намуд. Дар ин хусус ба АМИТ «Ховар» дар Бонки давлатии амонатгузории Ҷумҳурии Тоҷикистон «Амонатбонк» иттилоъ доданд.
Сироҷиин Икромӣ зикр намуд, ки «Амонатбонк» дар раванди сиёсати пешгирифтаи давлату Ҳукумати Ҷумҳурии Тоҷикистон ҳамеша омодаи он аст, ки соҳибкорони ватаниро барои рушд додани соҳибкории хурду миёна ва дарёфти шарикони рушди боэътимод дастгирӣ ва ба ворид намудани молу маҳсулот аз Қазоқистон мусоидат намояд.
Баъди мулоқот миёни Бонки давлатии амонатгузории Ҷумҳурии Тоҷикистон «Амонатбонк» ва ширкати содиротию суғуртавии «KazakhExport» оид ба зиёд намудани ҳаҷми иловагии маблағгузорӣ то 15 миллион доллари амрикоӣ Ёддошти тафоҳум ба имзо расонида шуд.
Раиси ширкати содиротию суғуртавии «KazakhExport» иброз дошт, ки «Амонатбонк» метавонад дархостҳои иловагии пайдошударо то ҳаҷми 23 миллион доллари амрикоӣ ба «KazakhExport» пешниҳод намояд. «KazakhExport» дар навбати худ омода аст дархостҳоро баррасӣ ва дастгирӣ намояд.
Дар сурати аз худ шудани меъёри ҷудогардида аз ҷониби ширкати содиротию суғуртавии «KazakhExport» маблағи умумӣ беш аз 30 миллион доллари амрикоиро ташкил менамояд. Алҳол аз ҳисоби маблағҳои ширкати содиротию суғуртавии «KazakhExport» ба 6 лоиҳаи соҳибкорони ватанӣ ба маблағи 8,75 миллион доллари амрикоӣ тавассути маблағгузории савдо хатҳои аккредитивӣ кушода шудаанд.
Ҳадафи асосии ба имзо расонидани Ёддошти тафоҳум- ҷалби сармояи мустақим ба иқтисодиёти Тоҷикистон ва зиёд намудани ҳаҷми гардиши молу маҳсулот миёни Тоҷикистон ва Қазоқистон мебошад.
АКС: Бонки давлатии амонатгузории Ҷумҳурии Тоҷикистон «Амонатбонк»
ДАР ТОҶИКИСТОН БО КАДОМ РОҲ ЗАМИНҲОИ КОРАМРО ЗИЁД МЕГАРДОНАНД? Мутахассисони соҳа ин мавзуъро шарҳ медиҳанд
ЛОИҲАИ ҲАРАКАТИ OVOP. Он метавонад дар Тоҷикистон ба таъсиси ҷойи кор дар деҳоти дурдаст мусоидат намояд
Дар Тоҷикистон 61 фоизи заминҳо ба системаи биллингӣ ворид карда шудаанд
Тақвияти муносибатҳои тиҷоратии Тоҷикистон ва Покистон баррасӣ гардид
Дар Тоҷикистон ҳаҷми маблағи хизматрасонӣ барои нафақагирон сол то сол меафзояд
Дар Панҷакент вобаста ба истифодаи босамари замин ҷаласа баргузор шуд
Дар Душанбе ҳамкории Тоҷикистон ва Шоҳигарии Арабистони Саудӣ дар самти содирот баррасӣ шуд
Имконоти сайёҳии Тоҷикистон дар ҳамоиши байналмилалӣ дар Эрон муаррифӣ шуданд
Дар Душанбе масъалаи густариши ҳамкории иқтисодӣ ва тиҷоратӣ байни Тоҷикистон ва Эфиопия баррасӣ шуд
Гурӯҳи кории Ҳукумати Тоҷикистон бо вазъи соҳаи кишоварзӣ дар ноҳияи Деваштич шинос гардид
«КИШВАРИ САБЗ». Дар ин парваришгоҳ зиёда аз 100 намуди гулу буттаҳои нодир ва 40 намуди ниҳоли дарахтони ороишӣ парвариш мешавад
Ширкати «Carpi» дар бунёди неругоҳҳои барқи обӣ дар дарёи Зарафшон иштирок менамояд
