Бунёди бинои нуҳошёнаи Донишгоҳи давлатии Хоруғ дубора шурӯъ гардид
ХОРУҒ, 14.08.2022 /АМИТ «Ховар»/. Донишҷӯёни Донишгоҳи давлатии Хоруғ ба номи Моёншо Назаршоев ояндаи наздик таҳсили худро дар бинои нави нуҳошёна идома медиҳанд. Хишти аввали ин биноро се сол пеш гузошта буданд, аммо бо сабаби хуруҷи бемории Ковид-19 он ба таъхир гузошта шуд. Ҳоло 16 нафар бинокорони Ҷамъияти масъулияташ маҳдуди «Шариф ШС» бунёди ошёнаи аввали биноро ба охир расонда, ба сохтмони ошёнаи дуюм шурӯъ намуданд,-иттилоъ медиҳад мухбири минтақавии АМИТ «Ховар» Файз МИРАСАН.
Муҳандиси ин сохтмон Ифтихор Ниёзмамадов гуфт, ки “барои бунёди бино Дирексияи сохтмони иншооти ҳукуматии Дастгоҳи иҷроияи Президенти Ҷумҳурии Тоҷикистон миллион сомонӣ ҷудо намудааст, ки то имрӯз ба маблағи 7,5 миллион сомонӣ корҳои сохтмонӣ иҷро шудаанд. Бинокорон бештар аз деҳоти назди шаҳр, ки таҷрибаи кор дар сохтмонҳои кишвари Русияро доранд, ба кор ҷалб мешаванд. Барои интиқоли коргарон мошини махсус ҷудо шуда, бо хӯроки нисфирӯзӣ низ таъмин карда мешаванд”.
Дар бунёди иншоот барои таъмини техникаву механизмҳо ва масолеҳи бинокорӣ ягон мушкилӣ вуҷуд надорад. Масоҳати бинои нуҳошёна 76 метр дарозӣ ва 18 метр паҳноӣ дошта, дар канори он варзишгоҳи муосир ва маҷлисгоҳи калон сохта мешавад.
Донишгоҳи давлатии Хоруғ ягона муассисаи олии Вилояти Мухтори Кӯҳистони Бадахшон буда, соли 1992 таъсис ёфтааст. Ҳоло дар ин донишгоҳ зиёда аз 4 ҳазор донишҷӯ ба таври рӯзона ва ғоибона таҳсил мекунанд.
АКС: АМИТ «Ховар»
Олими ҷавони тоҷик соҳиби патентҳои Ҷумҳурии Беларус гардид
Дар ноҳияи Деваштич иншооти гуногуни иҷтимоӣ ба истифода дода шуданд
Туҳфаҳои Пешвои миллат ба тарбиятгирандагони Мактаб-интернати шаҳри Истаравшан супорида шуданд
Давраи чоруми бақайдгирии довталабон барои иштирок дар ИМД-2026 оғоз гардид
Сарвари давлат Эмомалӣ Раҳмон ба таври фосилавӣ як қатор иншооти таъиноти гуногунро дар вилояти Суғд мавриди истифода қарор доданд
Президенти Ҷумҳурии Тоҷикистон Эмомалӣ Раҳмон дар шаҳри Хуҷанд тарабхонаи «Форел Платинум»-ро мавриди истифода қарор доданд
Намояндагони Сафорати Тоҷикистон дар Донишгоҳи политехникии Москва бо донишҷӯёни тоҷик вохӯрӣ намуданд
Пешвои миллат Эмомалӣ Раҳмон дар минтақаи озоди иқтисодии Суғд корхонаи нӯшокиҳои ташнагишикани ҶДММ «Райан»-ро ба истифода доданд
Дар Донишгоҳи миллии Тоҷикистон оид ба ҷашни 40-солагии Истиқлоли давлатӣ ва фарҳанги истифодаи неруи барқ ҳамоиш доир шуд
Президенти Ҷумҳурии Тоҷикистон Эмомалӣ Раҳмон дар ноҳияи Деваштич муассисаи таҳсилоти миёнаи умумии №70-ро мавриди баҳрабардорӣ қарор доданд
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои илмии вилояти Хуросони Разавии Эрон тақвият меёбад
Сарвари давлат Эмомалӣ Раҳмон дар ноҳияи Деваштич корхонаи коркарди меваю сабзавот ва истеҳсоли афшураи ҶДММ «Витаминҳои Тоҷикистон»-ро мавриди баҳрабардорӣ қарор доданд
