Дар барномаи «Гуфтугӯ»-и Радиои «Ховар» вазъи иқтисодиву иҷтимоӣ ва рушди инфрасохтори ноҳияи Ванҷ таҳлил мешавад
ДУШАНБЕ, 21.08.2022 /АМИТ «Ховар»/. Ба иттилои Раиси ноҳияи Ванҷ Одинашо МАРДЗОДА, ба ифтихори 35-солагии Истиқлолияти давлатии Ҷумҳурии Тоҷикистон дар ноҳия дар маҷмӯъ 113 иншооти ҷашнӣ бунёд мегарданд.
Соли равон аз шумораи иншооти мазкур 20-тои он мавриди истифода қарор мегиранд. Дар ин баробар ҷиҳати таҷлили бошукӯҳи ин ҷашни умумимиллӣ масъалаи вазъи ободонии манзилҳои истиқоматии шаҳрвандон, марказҳои савдою хизматрасонӣ, зебогардонии роҳу кӯчаҳо, истифодаи самараноки заминҳои наздиҳавлигӣ ва хоҷагиҳои ёрирасон, афзоиши ҳаҷми истеҳсоли маҳсулот, тақвияти неруи содиротӣ ва муҳайё кардани ҷойҳои корӣ дар маркази таваҷҷуҳи масъулин қарор доранд.
Раиси ноҳия изҳори боварӣ намуд, ки ин созандагӣ ва бунёдкориҳо Ванҷи пурганҷ, сарзамини зебо ва пурасрорро ба мавзеи тиллоии Тоҷикистон мубаддал мегардонанд.
Шарҳи бештари мавзӯъро оид ба вазъи иқтисодиву иҷтимоӣ ва рушди инфрасохтори ноҳияи Ванҷ дар барномаи «Гуфтугӯ»-и Радиои «Ховар» зимни суҳбати хабарнигор Нарзулло АЛИЗОДА бо Раиси ноҳияи Ванҷ Одинашо МАРДЗОДА имрӯз, соати 12:30 (асл) ва такроран соатҳои 19:30 ва 22:30 аз мавҷи 101,5 FM бишнавед.
АКС: АМИТ «Ховар»
Дар Душанбе Фестивали занбӯрпарварон, намоиш ва фурӯши асал баргузор шуд
Дар Тоҷикистон беш аз 800 ҳазор тонна картошка ҷамъоварӣ гардидааст
Дар шаҳри Норак Фестивал-намоишгоҳи байналмилалии «Ганҷинаи хатлон» баргузор гардид
Мутахассисони Тоҷикистон дар Чин бо навовариҳои соҳаи пахтакорӣ шинос шуданд
Натиҷаҳои рушди иқтисодии Тоҷикистон дар Таиланд муаррифӣ гардиданд
Дар Тоҷикистон ҷаласаи 46-уми Шурои ҳамоҳангсозии электроэнергетикии Осиёи Марказӣ доир шуд
Шаҳри Панҷакентро дар нуҳ моҳ беш аз 40 ҳазор сайёҳон тамошо намудаанд
Дар Агентии инноватсия ва технологияҳои рақамӣ масъалаҳои зеҳни сунъӣ ва амнияти рақамӣ баррасӣ шуданд
Ҳамкории стратегӣ дар самти ҷалби сармоягузории устувор ва маблағгузории иқлимӣ тақвият меёбад
Намояндаи Бонки миллии Тоҷикистон дар ҷаласаи роҳбарони бонкҳои марказии кишварҳои Шарқи Наздик ва Осиёи Марказӣ иштирок намуд
Дар Душанбе татбиқи «Барномаи давлатии кабудизоркунии Ҷумҳурии Тоҷикистон барои давраи то соли 2040» баррасӣ гардид
Вазири молияи Тоҷикистон дар Бангкок бо роҳбарияти Фонди кувайтии рушди иқтисодиёти араб мулоқот намуд
