«ЗАНҶИРАИ ГАРМИ ДАСТГИРИИ ШИРИ МОДАР». Таҳти чунин унвон дар Тоҷикистон Даҳаи тағзияи кӯдакон бо шири модар доир мегардад
ДУШАНБЕ, 03.08.2022 /АМИТ «Ховар»/. Аз 1 то 10 август Даҳаи умумиҷаҳонии ҳимояи ғизодиҳии кӯдакон таҳти шиори «Занҷираи гарми дастгирии шири модар» гузаронида мешавад, иттилоъ доданд ба АМИТ «Ховар» дар Вазорати тандурустӣ ва ҳифзи иҷтимоии аҳолии мамлакат.
Даҳаи мазкур дар Тоҷикистон аз соли 2001 инҷониб гузаронида мешавад. Вазорати тандурустии ҷумҳурӣ ҳанӯз соли 1994 дар самти дастгирии тағзияи атфоли навзод бо шири модар ба андешидани тадбирҳо оғоз карда буд. Аз соли 1998 сар карда, дар тамоми таваллудхонаҳои ҷумҳурӣ 10 асоси муваффақонаи тағзияи атфол бо шири модар ҷорӣ шудааст.
Бино ба гузориши Ташкилоти умумиҷаҳонии тандурустӣ (ТУТ), Даҳаи умумиҷаҳонии тағзияи кӯдакон бо шири модар дар зиёда аз 170 кишвар гузаронида, дар ин рӯзҳо силсилаи тадбирҳои гуногун доир карда мешаванд. Дар Тоҷикистон вобаста ба ин сана ҳамоиш доир ба ҳифз, тарғиб ва дастгирии синамаконӣ роҳандозӣ мегардад.
Тавре аз Маркази ҷумҳуриявии ташаккули тарзи ҳаёти солими Вазорати тандурустӣ ва ҳифзи иҷтимоии аҳолии мамлакат хабар доданд, шири модар барои кӯдак хеле муҳим аст. Дар Тоҷикистон танҳо 36 фоизи кӯдакон ба синамаконӣ фаро гирифта шудаанд.
Вобаста ба камэътибор гардидани шири модар Марказ чунин омилҳоро пеш меорад: зиёд шудани таблиғоти шири сунъӣ, ки таркибашон шири модарро иваз мекунанд, аксари занон барои синамаконӣ вақти кофӣ надоранд, зеро онҳо ё дар муассисаҳо фаъолият мекунанд ва ё ба корҳои рӯзгор машғул мешаванд, инчунин аксари бонувон дар бораи фоидаи шири модар маълумоти кофӣ надоранд.
Ба гуфти табибон, шири модар маҷмӯи беназири кислотаҳои равғанӣ, қанд, минералҳо, сафедаҳо, витаминҳо ва ферментҳо мебошад, ки ба афзоиши оптималии майна ва бадани кӯдак мусоидат мекунад. Ҳар инсон дар тӯли ҳаёти худ танҳо як маротиба имкон дорад, ки шири модарро истеъмол намояд, ин ҳам дар давраи то 2-солагӣ. Бартарияти шири модар дар он зоҳир мегардад, ки он барои истеъмол ҳамеша тайёр аст, ҳаргиз вайрон ё турш намешавад, ройгон ва дастрас аст ва танҳо барои кӯдак пешбинӣ шудааст. Инчунин ғизои асосии кӯдаки навзод- ин шири модар аст ва кӯдак танҳо тавассути ғизои дурусту солим неру мегирад, ташаккул меёбад ва ҳамчун шахсият ба камол мерасад.
Ба кӯдакон хӯрондани шири модар барои солимии худи модарон низ муфид аст. Таҳлилҳо нишон медиҳанд, ки ғизодиҳии табии кӯдакон модаронро аз хавфи гирифторӣ ба саратони пистон муҳофизат менамояд. Исбот шудааст, ки агар модарон ба таври зарурӣ ба кӯдакон шири худро бидиҳанд, 20 ҳазор марги бо сабаби бемории саратони пистон рухдиҳанда пешгирӣ карда мешаванд. Ҳамчунин он сатҳи камбизоатиро коҳиш медиҳад.
Фирӯза ДАВЛАТЗОДА,
АМИТ «Ховар»
АКС аз манбаъҳои боз
Дар Душанбе нахустин маротиба Рӯзи кормандони соҳаи суғуртаи иҷтимоӣ ва нафақа таҷлил гардид
ҒИЗОИ СОЛИМ. Омили афзоиши бемории диабети қанд истеъмоли ғизои аз ҳад зиёд ва номутаносиб мебошад
1 ИЮЛ — РӮЗИ КОРМАНДОНИ СОҲАИ СУҒУРТАИ ИҶТИМОӢ ВА НАФАҚА. Дар солҳои соҳибистиқлолӣ андозаи нафақаҳо зиёда аз 20 маротиба зиёд карда шуд
Дар Душанбе дар мавзуи «Сиёсисозии ислом ва хатари он ба амнияти сиёсӣ ва суботи ҷомеа» ҳамоиши илмӣ доир мегардад
Маросими видоъ бо раиси марҳуми Вилояти Мухтори Кӯҳистони Бадахшон Алишер Мирзонабот баргузор гардид
ОГОҲӢ! Аз 1 то 3 июл дар баъзе минтақаҳои Тоҷикистон омадани селҳои хусусияти маҳаллидошта пешгӯӣ мешавад
Оид ба амалишавии Стратегияи миллии фаъолгардонии нақши занон дар Тоҷикистон конференсия доир шуд
Як гурӯҳ модарон бо шароити хизмати ҳарбии сарбозони яке аз қисми низомӣ дар ноҳияи Данғара шинос шуданд
Пагоҳ Форуми ҷумҳуриявии «Маърифати ҳуқуқӣ — омили рушди давлати ҳуқуқбунёд» доир мешавад
Дар Кумита оид ба таҳсилоти ибтидоӣ ва миёнаи касбӣ бахшида ба Даҳсолаи байналмилалӣ оид ба таҳкими сулҳ ҳамоиши тантанавӣ баргузор шуд
Дар Агентии суғуртаи иҷтимоӣ ва нафақа оид ба саҳми Пешвои миллат дар пойдории сулҳ ва ваҳдати миллӣ филми ҳуҷҷатӣ намоиш дода шуд
Дар Кумитаи кор бо занон ва оила бахшида ба қабули қатъномаи Даҳсолаи байналмилалӣ оид ба таҳкими сулҳ барои наслҳои оянда ҳамоиш доир шуд
