ҲАМЛАИ ТАҶОВУЗКОРОНАИ ҚИРҒИЗИСТОН. Марзбонони қирғиз борҳо санадҳои оташбасро дағалона вайрон намуда, гуноҳро ба сари неруҳои марзбони Тоҷикистон мезананд
ДУШАНБЕ, 20.09.2022 /АМИТ «Ховар»/. «Дар сарҳади байни Тоҷикистон ва Қирғизистон боз хуни ноҳақ рехт. Аҳдшиканӣ, зери по намудани савганди низомӣ, ҳамсоянописандӣ, ифтихори хушку холӣ ва кӯрнамакӣ барин хислатҳои манфури инсонӣ барои марзбонони қирғиз ва роҳбарияти он одати ҳамешагӣ шудааст. Таҷриба нишон дод, ки марзбонони ин мамлакати ҳамсоя борҳо санадҳои оташбасро дағалона вайрон намудаву гуноҳро ба сари неруҳои марзбони Тоҷикистон мезананд. Ин навбат ҳам чунин шуд»,-гуфт профессор Саидмуроди Хоҷазод дар робита ба ҳамлаи таҷовузкоронаи Қирғизистон ба Тоҷикистон.
Саидмуроди Хоҷазод иброз дошт, ки сарҳадбонони қирғиз ба марзи Тоҷикистон аҳдшиканона ҳамла карда, аз тамоми намуди силоҳҳои ҷангӣ ва техникаи ҳарбӣ ба самти Ҷумҳурии Тоҷикистон тирпаронӣ намуданд. Барои ин ҷурми ғайриинсонӣ, зишт ва хасмонаи худро пинҳон намудан мақомоти ин кишвар аз тамоми имконот истифода карданд. Дастгоҳи ташвиқотии онҳо дар ин ҳодисаҳо пайваста тарафи Тоҷикистонро гунаҳкор мекунад.
Раиси КДАМ Қирғизистон Қамчибек Ташиев тавассути расонаҳои хориҷӣ, аз ҷумла радиои «Озодӣ» ҷониби Тоҷикистонро ба истифодаи неруҳои таъйиноти махсус дар амалиёти марзӣ гунаҳкор менамояд, ки ин ҳам аз иғвои навбатии роҳбарияти кишвари ҳамсоя ва дурӯғпарокании онҳо тавассути ВАО-и электронӣ далолат мекунад. Аҷиб он аст, ки онҳо ҳуҷуми ҳавопаймоҳои бесарнишини худро ба ҳарими ҳавоии Тоҷикистон намебинанд, вале аз истифодаи техникаи низомии Тоҷикистон дар ин муноқишаҳо сухан мегӯянд. Онҳо фаромӯш кардаанд, ки ҳар амали зиштеро дер ё зуд посухест.
«Дар ин вазъияти мураккаб беҳтар он аст, ки ҳоло ба осиёби душманон ва нотавонбинон об нарезем, аз ақли солим кор бигирем, дар ҳалли масъалаҳои баҳснок ба назари ҳамдигар эҳтиром гузорем, дӯстӣ, ҳамсоягии некро сармашқи кор қарор дода, анъанаҳои неки дӯстонаи ҳамсоядориро барқарор намоем», — афзуд Саидмуроди Хоҷазод.
Раъно НУСРАТУЛЛО,
АМИТ «Ховар»,
АКС аз бойгонии АМИТ «Ховар»
Сарвазири Гурҷистон Ираклий Кобахидзе Осорхонаи миллии Тоҷикистонро тамошо кард
Имрӯз дар Душанбе Рӯзҳои фарҳанги шаҳри Панҷакент, Исфара ва ноҳияи Кӯшониён доир мегардад
Туҳфаи нодири Президенти Тоҷикистон ба Осорхонаи миллӣ тақдим гардид
Ҷаласаи Шурои ҳукуматӣ оид ба рушди кинематографияи миллӣ баргузор шуд
Доир ба рӯзгор ва осори Ҳофизи халқии Тоҷикистон Одина Ҳошим конференсияи илмӣ баргузор шуд
Таҳкими ҳамкорӣ байни Осорхонаҳои миллии Тоҷикистон ва Муғулистон дар Улан-Батор баррасӣ гардид
1744 нафар довталаб аз шаҳру ноҳияҳои Тоҷикистон ба даври сеюми Озмуни ҷумҳуриявии «Шоҳномахонӣ» роҳхат гирифтанд
«ШОҲНОМА – ШОҲАСАРИ МОНДАГОР ВА ПАЙВАНДГАРИ НАСЛҲОИ ОРИЁӢ». Дар Душанбе конфронси байналмилалӣ баргузор шуд
Дар Душанбе Рӯзҳои фарҳанги шаҳри Панҷакент, Исфара ва ноҳияҳои Ҳамадонӣ, Ҷалолиддини Балхӣ, Кӯшониён ва Бобоҷон Ғафуров доир мегардад
Роҳбарияти Осорхонаи миллӣ дар Форуми якуми байналмилалии осорхонаҳои Авруосиё иштирок намуд
Раиси Ассотсиатсияи тиҷорати Қатар Осорхонаи миллии Тоҷикистонро тамошо кард
22 июн даври дуюми Озмуни ҷумҳуриявии «Тоҷикистон — Ватани азизи ман» оғоз меёбад
