Имсол беш аз 50 давлати ҷаҳон ба Тоҷикистон ёрии башардӯстона расонидаанд

ДУШАНБЕ, 02.09.2022 /АМИТ «Ховар»/. Дар моҳҳои январ-июли соли равон ба Тоҷикистон 56 кишвари ҷаҳон ба маблағи 82 миллиону 957,5 ҳазор доллар (8973,9 тонна) ёрии башардӯстона расонидаанд. Дар ин бора АМИТ «Ховар» бо истинод ба Агентии омори назди Президенти Ҷумҳурии Тоҷикистон иттилоъ медиҳад.

Аз ҷумлаи давлатҳои ёрирасон таносуби бештар аз рӯи арзиши ёрии башардӯстона ба ИМА — 39,6 %, Чин — 28,7 %, Ҳиндустон — 6,0%, Ҷопон — 4,9 %, Русия- 3,7 %, Шветсия — 2,7 %, Узбекистон — 1,9%, Нидерландия ва Дания — 1,7 фоизӣ, Туркия — 1,2 %, Корея — 1,3 %, Олмон — 1,1 %, Амороти Муттаҳидаи Араб — 0,6 %, Фаронса ва Покистон — 0,3 %, Қазоқистон, Италия ва Австралия — 0,2 % ва Беларус — 0,1 % рост меояд.

(Аз рӯи маълумоти Агентии омори назди Президенти ҶТ)

Марзия САИДЗОДА,
АМИТ «Ховар»

АКС аз манобеи боз