КИ ҲХДТ дар шаҳри Норак ташаббуси наҷиберо таҳти унвони «Мактаби ман» роҳандозӣ намуд
ДУШАНБЕ, 28.09.2022. /АМИТ «Ховар»/. Кормандони Кумитаи иҷроияи Ҳизби Халқи Демократии Тоҷикистон дар шаҳри Норак бо ҷалби хатмкунандагони муассисаи таҳсилоти ҳамагонии №22 маҳаллаи Навде ташаббуси наҷиберо таҳти унвони «Мактаби ман» роҳандозӣ намуданд. Ҷавонони ватандўст дар гузаронидани 22 км хатти оби нўшокӣ, мумфаршсозии 3,5 км, сангфарш намудани 5 км, бетонпўш кардани 500 метр роҳҳои маҳаллӣ ва дар бунёди 3 истгоҳи замонавию як бунгоҳи тиббӣ тавассути меҳнати ҷисмонӣ саҳми арзанда гузоштанд. Дар ин бора АМИТ «Ховар» бо истинод ба Кумитаи иҷроияи ҲХДТ дар шаҳри Норак хабар медиҳад.
Раиси маҳаллаи Навдеи шаҳри Норак Садуллоев Ҳабибулло гуфт, ки «роҳандозӣ намудани ин ташаббус аз чанд ҷиҳат фоидаовар аст. Аввал ин ки барои дар рўҳияи ватандўстию меҳнатдўстӣ тарбия намудани онҳо созгор аст. Дуюм ба ин васила онҳо ба қадри меҳнати дигарон ва ободию зебогии сарзамин расиданро меомўзанд. Гузашта аз ин, аз саҳмгузориашон дар ободии маҳалли зисташон ифтихорманд мегарданд».
Бояд гуфт, ки хонандагони мактаби мазкур ҳамчунин корҳои созандагиро бо як ҳисси баланди масъулиятшиносӣ ташкил намуда, дар сохтмони майдончаи варзишӣ, ҳавзчаи об барои оташхомўшкунӣ ва таъмири муассиса барои хониши солҳои 2022-2023, анбор барои захираи ангишту ҳезум дар фасли замистон саҳми арзанда гузоштанд.
АКС: КИ ҲХДТ дар шаҳри Норак
Доир ба нақши ВАО дар муқовимат ба терроризм ва экстремизм ҳамоиши ҷумҳуриявӣ баргузор гардид
Меъморон ва бинокорони «заминаи рақамӣ»
35-СОЛАГИИ ИСТИҚЛОЛИ ДАВЛАТӢ. Дар ноҳияи Мурғоб 100 иншоот ба истифода дода шуд
Имрӯз дар Тоҷикистон борон меборад
Дар рӯзҳои Ҷашни байналмилалии Наврӯз дар ноҳияи Файзобод иншооти гуногун ба истифода дода шуданд
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон раъду барқ ба амал меояд
Варзишгарони паралимпии Тоҷикистон бо 37 медал ба Ватан баргаштанд
Шарҳи расмии Агентии обуҳавошиносии Кумитаи ҳифзи муҳити зисти назди Ҳукумати Ҷумҳурии Тоҷикистон оид ба раддабандии ҷумҳурӣ аз лиҳози ифлосшавии ҳавои атмосферӣ
Имрӯз дар баъзе ноҳияҳои Тоҷикистон борони кӯтоҳмуддат меборад
Имрӯз дар Тоҷикистон чангу ғубор ба амал меояд
МегаФон Тоҷикистон дар ҷумҳурӣ нахустин пайвасткунии тарофаҳо ва хизматрасониҳоро тавассути сомонаи расмӣ ба роҳ монд
