«НОН БУВАД ЧУН ҶОНИ ОДАМ». Дар кишварҳои Иттиҳоди Аврупо арзиши он якбора гарон шуд

ДУШАНБЕ, 21.09.2022 /АМИТ «Ховар»/. Нархи нон дар ИА то тирамоҳи соли равон  ин қадар гарон набуд, ҳоло ба ҳисоби миёна моҳи август арзиши он нисбат ба соли сипаригардида 18 фисад афзоиш ёфт ва бештар аз ҳама дар Маҷористон  (ҷамъ 60%) боло рафт. Тавре АМИТ «Ховар» хабар медиҳад, дар ин бора Агентии омори Аврупо Евростат иттилоъ додааст.

«Нон бувад чун ҷони одам, қуввату дармони одам»,- бисёриҳо дар  хотир доранд, ки дар замони шӯравӣ ин гуна шиору овезаҳо дар ошхонаҳо овехта шуда буданд. Он даъват менамуд, ки нони барзиёд нагиранд, то ин неъмати Замин исроф нашавад. Дар замони мо ин шиор барои Аврупо низ хеле муҳим гардид. Гуфта мешавад, ки афзоиши арзиши нон дар Иттиҳоди Аврупо сатҳи таваррумро, ки  моҳи август 10% боло рафт буд, боз баландтар намуд.

Камтар аз ҳама гароншавии нонро дар Фаронса эҳсос карданд- дар ин ҷо нархҳо ба ҳадди 10 фисад боло рафтанд, дар Булғористон он 13 фоизро ташкил дод.

Дар Евростат болоравии нархи нонро ба ҳодисаҳои Украина, буҳрони ғалладонагӣ дар ин кишвар, инчунин буҳрони энергетикӣ вобаста медонанд.

АКС аз манбаъҳои боз