ПАХТА-2022. ҶДММ «Зарҳам» дар Кӯлоб ба қабули «тиллои сафед» оғоз кард
КӮЛОБ, 11.09.2022. /АМИТ «Ховар»/. Имрӯзҳо кишоварзони шаҳри Кӯлоб ба ҷамъоварии ҳосили пахта шурӯъ карда, ба ҶДММ «Зарҳам» аввалин тоннаҳои корвони ҳосили пахтаи 2022-ро ворид намуда истодаанд.
Роҳбари Кооперативи тиҷоратии ба номи ҶДММ «Зарҳам» Абдунабӣ Зардиев ба хабарнигори минтақавии АМИТ «Ховар» Сулаймон ХОЛЗОДА гуфт, ки «имсол барои қабули пахта омодагӣ дидем ва барои дуруст баркашидани маҳсулот тарозуи муосири рақамӣ насб кардем. Азбаски аксари хоҷагиҳои деҳқонию инфиродӣ ва иҷоракорон дар майдони 50 садяк замин то 5 гектар пахта коридаанд, дар ҳар чиниш наметавонистанд ҳосилро ба корхона ворид намоянд ва баъди насби тарозуи рақамӣ ин мушкилот аз байн рафт».
Иҷоракорон ва хоҷагиҳое, ки дар майдони 8 гектар ва аз он зиёд чигит коридаанд, аз 4 то 8-10-тоннагӣ пахтаро вориди корхона намуданд. Дар ҶДММ «Зарҳам» ҳар навъи пахта алоҳида гузошта шуда, баъди коркард тухмии он дар анборҳои кооперативи тиҷоратӣ коркард ва барои соли оянда захира мегардад. Дигар хоҷагиҳо ин тухмиҳои ба шароити иқлими минтақа мутобиқро дастрас карда, соли оянда кишт менамоянд.
АКС аз бойгонии АМИТ «Ховар»
Дар Донишгоҳи давлатии Хуҷанд 17 ихтисоси нав таъсис дода шуд
Дар Душанбе Форуми байналмилалӣ оид ба кори иҷтимоӣ ва хизматрасониҳои иҷтимоӣ доир гардид
«ҲАФТКӮЛ». Ин мавзеи табиии Тоҷикистон маркази рушди сайёҳии экологӣ маҳсуб мешавад
Имрӯз дар водиҳои Тоҷикистон ҳаво то 33 дараҷа гарм мешавад
3 август дар Донишкадаи давлатии фарҳанг ва санъат ва Донишкадаи тарбияи ҷисмонӣ нишасти матбуотӣ доир мегардад
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Душанбе шумораи электробусҳо қариб ба 200 адад мерасад
Имрӯз дар доманакӯҳҳо ҳаво то 38 дараҷа гарм мешавад
