ТАҚВИМИ АМИТ «ХОВАР»: имрӯз 25 сентябр, якшанбе, 268-умин рӯзи соли 2022 аст

25 сентябри соли 2008 дар Иёлоти Муттаҳидаи Амрико Президенти Ҷумҳурии Тоҷикистон муҳтарам Эмомалӣ Раҳмон дар мулоқоти махсуси сатҳи олӣ дар мавзӯи «Об ва беҳдошти санитарӣ барои ҳамагон» суханронӣ карданд.

***

14 сол қабл, 25 сентябри соли 2008 дар ИМА Сарвари давлат муҳтарам  Эмомалӣ Раҳмон бо Директори генералии ЮНЕСКО,  Шоҳзодаи Нидерланд  ва муовини Котиби давлатии Иёлоти Муттаҳидаи Амрико мулоқот анҷом доданд.

***

Дар ин рӯзи соли 2012 дар ноҳияи Данғара Мактаби президентӣ барои хонандагони болаёқат ифтитоҳ гардид.

25 СЕНТЯБР ТАҶЛИЛ КАРДА МЕШАВАД:

Дар Мозамбик – Рӯзи қувваҳои мусаллаҳ.

***

Дар Фаронса –Рӯзи миллӣ.

***

Дар ИМА – Рӯзи миллии масхарабозон.

РӮЙДОДҲО:

25 сентябри соли 2013 дар маркази маъмурии ноҳияи Рашт муҷассамаи асосгузори давлати тоҷикон- Шоҳ Исмоили Сомонӣ гузошта шуд.

***

25 сентябри соли 1996 дар Россия аввалин нашриёти мусиқавии «СОЮЗ» рӯнамоӣ шуд.

ИНЧУНИН ДАР ИН РӮЗ…

Соли 2017  ТАСС хабар дод, ки дастаи Тоҷикистон ғолиби аввалин Чемпионати ғайрирасмии ҷаҳон оид ба футбол миёни дастаҳои сафоратҳо дар шаҳри Москва гардид.

***

Соли 1818 табиби англис Ҷеймс Бланделл аввалин маротиба дар таърихи ҷаҳон амалиёти хунгузарониро аз як кас ба нафари дигар доир кард.