Ҳайати Тоҷикистон дар Конфронси минтақавии иттифоқҳои касабаи Осиёи Марказӣ иштирок дорад
ДУШАНБЕ, 06.10.2022 /АМИТ «Ховар»/. Ҳайати Федератсияи иттифоқҳои касабаи Тоҷикистон таҳти роҳбарии Раиси Федератсия Маликшо Неъматзода дар Конфронси минтақавии иттифоқҳои касабаи Осиёи Марказӣ, ки 6-7 октябр дар шаҳри Алмаатои Ҷумҳурии Қазоқистон ҷараён мегирад, иштирок дорад, хабар доданд ба АМИТ «Ховар» дар ФИКМТ.
Конфронси минтақавӣ таҳти васояти Ташкилоти байналминалии меҳнат баргузор гардида, дар он Тоҷикистон, Қазоқистон, Узбекистон, Қирғизистон, Туркманистон, Молдова, Муғулистон ва ташкилоти байналмилалӣ иштирок доранд.
Директори бахши кор бо федератсияҳои иттифоқҳои касабаи Ташкилоти байналмилалии меҳнат Мария Ҳелена Андре ба кори конфронс оғоз бахшид.
Раиси Федератсияи иттифоқҳои касабаи Тоҷикистон Маликшо Неъматзода дар конфронс сухан гуфта, ба ҳозирин оид ба мавзӯъҳои баррасишаванда маълумоти муфассал пешниҳод намуд.
Зимни кори конфронс мулоқоти кории дуҷониба бо Директори бахши ҳамкорӣ бо иттифоқҳои касабаи Ташкилоти байналмилалии меҳнат Мария Ҳелена Андре доир шуд, ки дар ҷараёни он ҳамкорӣ бо Ташкилоти байналмилалии меҳнат ва бахшҳои он мавриди баррасӣ қарор гирифт.
Ҷонибҳо ҳамкории кунунии дуҷонибаро муфид арзёбӣ карда, барои дар оянда рушд додани он омодагии ҳамаҷонибаашонро иброз доштанд.
Акс: ФИКМТ
Имрӯз дар ноҳияҳои алоҳидаи Тоҷикистон чангу ғубор ба амал меояд
Дар хоҷагиҳои шаҳри Ҳисор ҷамъоварии ҳосили пахта оғоз гардид
35 СОЛИ ИСТИҚЛОЛИ ДАВЛАТИИ ТОҶИКИСТОН. Дар ин давра соҳаи обуҳавошиносӣ марҳила ба марҳила рушд намуд
35 СОЛИ ИСТИҚЛОЛИЯТИ ДАВЛАТӢ. Аз дастовардҳои созанда то иқтисоди рақамӣ ва инноватсия
СОҲАИ САЙЁҲӢ ВА ИСТИҚЛОЛИ ДАВЛАТӢ. Тавзеҳи 35 мавзеи ҷолиб, ки Тоҷикистонро ба ҷаҳон муаррифӣ менамоянд
АФЗОИШИ ШУМОРАИ АҲОЛӢ ДАР 35 СОЛИ СОҲИБИСТИҚЛОЛӢ. Аҳолии Тоҷикистон ҳар сол 2,2 фоиз зиёд мешавад
Дар солҳои Истиқлоли давлатӣ дар Тоҷикистон 3200 километр роҳҳои мошингард, 254 пул ва 43 километр нақби нақлиётӣ бунёд гардид
