ОГОҲИИ АГЕНТИИ ОБУҲАВОШИНОСӢ. Аз 2 то 5 ноябр дар Тоҷикистон борон ва барф меборад
ДУШАНБЕ, 31.10.2022 /АМИТ «Ховар»/. Аз 2 то 5 ноябр дар Тоҷикистон ҳавои номусоид пешгӯӣ шуда, дар водиҳо борон ва дар ноҳияҳои алоҳидаи кӯҳӣ, ба истиснои минтақаҳои шарқии Вилояти Мухтори Кӯҳистони Бадахшон бориши борон ва барф ба амал меояд, иттилоъ доданд ба АМИТ «Ховар» дар Агентии обуҳавошиносии мамлакат.
Ҳамчунин дар ин рӯзҳо дар ноҳияҳои алоҳидаи кӯҳӣ ва доманакӯҳии вилоятҳои Хатлон, Суғд, ноҳияҳои тобеи ҷумҳурӣ ва ғарби ВМКБ сар задани зуҳуроти селӣ дар назар аст.
Инчунин 2-3 ноябр бо сабаби бориши бошиддат дар дарёҳои Ёхсӯ, Қизилсӯ (ҷанубӣ) ва дар дарёҳои аз нишебиҳои ҷанубии қаторкӯҳҳои Ҳисор ҷоришаванда якбора баландшавии сатҳи об аз эҳтимол дур нест.
Дар ноҳияҳои тобеи ҷумуҳурӣ ҳавои қисман абрнок мешавад. Дар водиҳо дар баъзе ҳолатҳо борон борида, дар ноҳияҳои кӯҳӣ бориши борон ва барф дар назар аст. Ҳаво дар водиҳо шабона 11 дараҷа, рӯзона 17 дараҷа гарм, дар ноҳияҳои кӯҳӣ шабона 6 дараҷа ва рӯзона 12 дараҷа гарм мешавад.
Аз 2 то 5 ноябр дар шаҳри Душанбе ҳаво шабона 13 дараҷа ва рӯзона аз 17 то 21 дараҷа гарм мешавад.
Ҳаво дар вилояти Суғд қисман абрнок мешавад. Дар водиҳо дар баъзе ҳолатҳо борон борида, дар ноҳияҳои кӯҳӣ бориши борон ва барф ба амал меояд. Ҳаво дар водиҳо шабона то 11 ва рӯзона то 15 дараҷа гарм, дар ноҳияҳои кӯҳӣ шабона то 4 ва рӯзона то 9 дараҷа гарм мешавад.
Дар ноҳияҳои алоҳида ВМКБ бориши борон ва барф дар назар аст. Ҳаво дар ғарби вилоят шабона то 5 ва рӯзона то 15 дараҷа гарм, дар шарқи вилоят шабона то 9 дараҷа хунук, рӯзона то 7 дараҷа гарм мешавад.
Вилояти Хатлонро ҳавои қисман абрнок ва дар ноҳияҳои алоҳида баъзан борони бошиддат интизор аст. Ҳаво дар водиҳо шабона то 14 ва рӯзона то 21 дараҷа гарм шуда, дар доманакӯҳҳо шабона 11 ва рӯзона 14 дараҷа гарм мешавад.
АКС: АМИТ «Ховар»
Замони баргузории Ниммарафони байналмилалии экологии кӯҳии шаҳри Панҷакент муайян шуд
Байни мутахассисони самти бехатарии радиатсионӣ ва муҳити экологии Тоҷикистон, Узбекистон ва Қирғизистон ҳамкорӣ таҳким меёбад
Талафоти неруи барқ дар шаҳри Душанбе ба 16,9 фоиз расидааст. Бардошт аз ҷаласаи гурӯҳи корӣ таҳти раëсати муовини Сарвазири Тоҷикистон
Имрӯз дар Тоҷикистон ҳавои тағйирёбанда пешгӯӣ мешавад
РОҲИ ПЕШГИРИФТАИ ТОҶИКИСТОН ДУРУСТ АСТ! Мошинҳои барқӣ аз лиҳози экологӣ тозатарин навъи нақлиёт дар ҷаҳон эътироф шудаанд
Ҳаҷми умумии истеҳсоли маҳсулот дар ноҳияи Кӯшониён ба зиёда аз 1 миллиард сомонӣ расид
Дар Панҷакент ниммарафони экологии кӯҳии «Seven Lakes» доир мегардад
Имрӯз дар Тоҷикистон хавфи сар задани селҳои маҳаллӣ дар назар аст
Олимони тоҷик ва хориҷӣ дар пиряхи Ванҷях корҳои таҳқиқотӣ мегузаронанд
Дар ноҳияи Лахш бо мақсади пешгирии истифодаи ғайриқонунии неруи барқ вохӯрӣ доир шуд
Кадом шабакаҳои иҷтимоӣ ва паёмрасонҳо дар Тоҷикистон маъруфанд
Имрӯз дар Тоҷикистон гармии ҳаво ба 40 дараҷа мерасад
