Шерализода ва Катрин дар Никосия масъалаҳои марбут ба экологияро баррасӣ намуданд
ДУШАНБЕ, 06.10.2022 /АМИТ «Ховар»/. Масоили таҳкими ҳамкории мақомоти ҳифзи муҳити зисти Тоҷикистон ва Швейтсария дар шаҳри Никосия- пойтахти Кипр имрӯз зимни мулоқоти Раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода ва Директори Агентии федералии ҳифзи муҳити зист хонум Катрин Шнебергер мавриди баррасӣ қарор гирифтанд. Дар ин бора ба АМИТ «Ховар» дар Кумитаи ҳифзи муҳити зисти назди Ҳукумати Ҷумҳурии Тоҷикистон иттилоъ доданд.
Зимни мулоқот ҷонибҳо лоиҳаҳои ҷории созмонҳои Швейтсария дар Тоҷикистон, самтҳои асосии ҳамкорӣ, инчунин самтҳои пешбинишавандаи густариши ҳамкорӣ миёни Тоҷикистон ва Швейтсарияро баррасӣ карданд. Ҳамчунин тарафҳо зарурати рушди ҳамкорӣ дар соҳаи омӯзиш ва ҳифзи пиряхҳо, диққати махсус ба ташаббуси Президенти Ҷумҳурии Тоҷикистон дар бораи эълон намудани соли 2025 — Соли байналмилалии пиряхҳо ва бунёди Фонди байналмилалии ҳифзи пиряхҳо матраҳ намуданд.
Баҳодур Шерализода доир ба тамоюлҳои кунунии соҳаи экология ва тағйирёбии иқлим, гуногунии биологӣ ва омодагии Тоҷикистон ба конфронси ҷонибҳо дар Миср маълумот дод. Мусоҳибон ба мувофиқа расиданд, ки ҳамкориро дар тамоми соҳаҳо тақвият диҳанд.
Ёдовар мешавем, ки вохӯрӣ дар чаҳорчӯби Конфронси 9-уми вазирон оид ба муҳити зист (EfE) дар Никосия баргузор гардид.
АКС: Кумитаи ҳифзи муҳити зисти нази Ҳукумати Ҷумҳурии Тоҷикистон
Дар Агентии инноватсия ва технологияҳои рақамӣ оид ба тарғиби либоси миллӣ ҳамоиши фарҳангӣ доир шуд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Сафири Тоҷикистон дар Миср бо муовини раиси Иттифоқи журналистони африқоӣ-осиёӣ мулоқот кард
Оид ба дурнамои дӯстӣ ва шарикии стратегии Тоҷикистону Туркманистон конфронси байналмилалӣ доир гардид
Намояндагони Бонки Осиёии Рушд бо фаъолияти гузаргоҳи «Фотеҳобод — Ойбек» шинос шуданд
Дар Манама ҳамкории байнипарлумонии Тоҷикистону Баҳрайн баррасӣ гардиданд
Имрӯз даври сеюми Озмуни ҷумҳуриявии «Шоҳномахонӣ» оғоз гардид
Мавзеи Аксикони ноҳияи Ашт бо кӯли дорои лойи табиии шифобахш ва табиати нотакрор маъруф аст
Муассисаи давлатии «Тоҷикфилм» доир ба сарнавишти Борбади Марвазӣ филми ҳунарӣ ба навор мегирад
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
