Вакили Маҷлиси намояндагони Маҷлиси Олӣ бо интихобкунандагони ноҳияҳои Куҳистони Мастчоҳ, Айнӣ ва шаҳри Панҷакент мулоқот намуд

Октябрь 22, 2022 10:00

ДУШАНБЕ, 22.10.2022 /АМИТ «Ховар»/. Вакили Маҷлиси намояндагони Маҷлиси Олии Ҷумҳурии Тоҷикистон Шарифзода Ғиёсиддин бо аҳли ҷамоати ноҳияҳои Куҳистони Мастчоҳ, Айнӣ ва шаҳри Панҷакент мулоқот намуд. Вохӯрӣ дар доираи ҳафтаи парлумонии минтақавӣ шуруъ аз 15 октябри соли ҷорӣ дар шаҳр ва ноҳияҳои зикргардида баргузор гардид, хабар доданд ба АМИТ «Ховар» дар Мақомоти иҷроияи ҳокимияти давлатии ноҳияи Айнӣ.

Силсиламулоқотҳои вакил аслан ба фаъолияти конунгузории Мақомоти олии қонунгузори кишвар, омодагии соҳаҳои иқтисодиёт ва иҷтимоиёти шаҳр ва ноҳиҳоҳоя мазкур дар мавсими тирамоҳу зимистони солҳои 2022-2023, захираи маводи ғизоӣ, пешгирии шомилшавии ҷавонон ба ҳар гуна ҳизбу ҳаракатҳои дорои хусусияти экстремистиву террористидошта ва маъракаи даъвати тирамоҳии ҷавонон ба сафи Артиши миллӣ равона гарда буд.

У инчунин вобаста ба Иҷлосияи XVI Шӯрои Олии Ҷумҳурии Тоҷикистон (даъвати дувоздаҳум), ки 16-уми ноябри соли 1992 дар Қасри Арбоби шаҳри Хуҷанди бостонӣ ба хотири барқарорӣ ва пойдории асосҳои давлатдорӣ, таҳкими шохаҳои ҳокимият ва таъмини қонуният, сулҳ ва ризоияти миллӣ баргузор гардада буд, сухан ронда, зикр намуд, ки маҳз Пешвои миллат, муҳтарам Эмомалӣ Раҳмон ҳамчун Раиси Шӯрои Олии Ҷумҳурии Тоҷикистон ва ҳамзамон Сарвари давлат аз лаҳзаҳои нахустини фаъолият дар ин мақоми барои сарнавишти миллат ва давлат басо пурмасъулият заҳмат кашида, барномаи мукаммали аз бӯҳрони сиёсӣ, иқтисодӣ, фарҳангӣ ва маънавӣ раҳо бахшидани кишварро ба миён гузошта, давлатро аз нобудӣ раҳоӣ бахшиданд.

Инчунин, у илова намуд, ки вақт ва таҷрибаи таърихии си соли пас аз истиқлолият собит намуд, ки роҳи муайянкарда ва сиёсати пешгирифтаи Сарвари давлат Эмомалӣ Раҳмон алтернативаи дигар надоштааст.

Номбурда инчунин вобаста ба тарбияи ватандӯстии ҷавонон сухан ронда, хизмат дар сафи Артиши миллиро шарафу номус ва мактаби матонату мардонагии фарзандон унвон кард.

АКС: АМИТ «Ховар»

Октябрь 22, 2022 10:00

Хабарҳои дигари ин бахш

Дар Маҷлиси намояндагон бахшида ба Рӯзи Ваҳдати миллӣ ҳамоиши идона доир гардид
Ҳайати Маҷлиси намояндагон дар Форуми 20-уми СММ оид ба идоракунии интернет иштирок дорад
Ваҳдати миллӣ арзишмандтарин бозёфт дар таърихи навини давлатдории миллати тоҷик мебошад
Барно Саидвализода: «Ваҳдати миллӣ – ин неъмати бузургу кафолати зиндагии шоистаро пойдор нигоҳ бидорем»
Ҷаласаи навбатии иҷлосияи якуми Маҷлиси намояндагони Маҷлиси Олии Ҷумҳурии Тоҷикистон, даъвати ҳафтум баргузор шуд
Дар Маҷлиси намояндагон масъалаи обу иқлим ва ҳифзи пиряхҳо баррасӣ шуд
Ваҳдати миллӣ ва рушди парламентаризм дар Тоҷикистон яке аз дастовардҳои муҳими даврони соҳибистиқлолӣ ба шумор меравад
ПЕШВОИ ВАҲДАТОФАР. Ва ё ваҳдате, ки бо шарофати он давлатдории миллии тоҷикон дубора эҳё гардид
Густариши робитаҳои байнипарлумонии Тоҷикистон ва Британияи Кабир баррасӣ гардид
Дар Лондон мулоқоти ҳайатҳои парламентии Тоҷикистон ва Британияи Кабир баргузор мешавад
Имрӯз ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор шуд
Ҷаласаи навбатии иҷлосияи якуми Маҷлиси намояндагони Маҷлиси Олӣ, даъвати ҳафтум баргузор гардид