«WADAIKO SAI» дар шаҳрҳои Душанбе ва Хуҷанд ҳунарнамоӣ менамояд
ДУШАНБЕ, 26.10.2022 /АМИТ «Ховар»/. Дар доираи таҳкими ҳамкории фарҳангии Тоҷикистону Ҷопон ва таҷлили 30-юмин солгарди истиқрори муносибатҳои дипломатӣ миёни Ҷумҳурии Тоҷикистон ва Ҷопон бори нахуст гурӯҳи нақоранавозони ҷопонии «WADAIKO SAI» дар Тоҷикистон бо барномаи консертӣ ҳунарнамоӣ менамояд, иттилоъ доданд ба АМИТ «Ховар» дар Вазорати фарҳанги Ҷумҳурии Тоҷикистон.
Консерти мазкур бо дастгирии Ҳукумати Ҷумҳурии Тоҷикистон дар ду шаҳри Тоҷикистон: 26 октябр дар Филармонияи давлатии Тоҷикистон ба номи Акашариф Ҷӯраев ва 27 октябр дар Театри давлатии мусиқӣ- мазҳакавии ба номи Камоли Хуҷандии шаҳри Хуҷанд баргузор мегардад.
Нақоранавозони моҳир оҳангҳои анъанавии ҷопониро иҷро карда, техникаи беназири навохтани «вадайко» (нақораи анъанавии ҷопонӣ) ва «нокан» (найи ҷопонӣ)-ро намоиш хоҳанд дод. Тавассути ин консертҳо тамошобинон имкон доранд бо мусиқии суннатии ҷопонӣ шинос шаванд.
Бояд зикр намуд, ки «WADAIKO SAI» — гурӯҳи ҳунарии касбиест, ки мутрибони он асосан нақораи анъанавӣ («вадайко») ва дигар асбоби суннатии ҷопонӣ, аз қабили най («нокан») менавозанд.
Ин гурӯҳ аз ҷониби Такаюки Касай соли 2005 ҳамчун маҳфили мусиқии донишгоҳ таъсис шуда, аз соли 2013 ба таври касбӣ ҳунарнамоӣ менамояд.
Аъзои гурӯҳ то имрӯз дар 25 кишвари ҷаҳон беш аз 2000 консерт намоиш додаанд.
АКС аз манбаъҳои боз
Аз 10 то 14 май Симпозиуми байналмилалии «Хутали қадим — пойгоҳи зуҳури забони тоҷикӣ-форсӣ ва тамаддуни бостонии Осиёи Марказӣ» доир мегардад
Имрӯз дар Душанбе ғолибони Фестивал-озмуни «Як матову сад ранг» муайян мегарданд
ЁДИ ШОИР. Дар Ҳисор ба ифтихори 115-солагии Шоири халқии Тоҷикистон Мирзо Турсунзода маҳфили адабӣ доир шуд
7 МАЙ — РӮЗИ ТЕЛЕВИЗИОН, РАДИО ВА КОРМАНДОНИ СОҲАИ АЛОҚА. Рушди соҳаи иттилоот ва алоқа дар Тоҷикистон ба рақамикунонии миллӣ равона гардидааст
Масъалаи баргузории Рӯзҳои фарҳанги Покистон дар Тоҷикистон баррасӣ карда шуд
Намояндаи САҲА оид ба озодии ВАО Ян Браату: Дастрасӣ ба иттилои расмӣ дар Ҷумҳурии Тоҷикистон дар сатҳи баланд аст
«ХУТТАЛИ ҚАДИМ…». Ба муносибати 35–солагии Истиқлоли давлатии Тоҷикистон маҷмуаи илмӣ аз чоп баромад
Дар ноҳияи Рӯдакӣ таҳти унвони «Тоҷикона мепӯшем!» ҳамоиши занону духтарон баргузор гардид
Дар Минск нахустин тарабхонаи тоҷикӣ бо номи «Умари Хайём» ифтитоҳ гардид
Роҳбарият ва кормандони Осорхонаи миллӣ дар Рим осорхонаҳои Капитолиниро тамошо намуданд
Китоби «Арзёбии метеорологию экологии ташаббусҳои ҷаҳонии Пешвои миллат дар соҳаи обу иқлим» ба нашр расид
«НАМУНАИ АДАБИЁТИ ТОҶИК». Устод Айнӣ дар ин асар ориёӣ будани халқи тоҷикро собит намудааст
