Ҷаласаи муштараки Шӯрои вазирони корҳои хориҷӣ, Шӯрои вазирони дифоъ ва Кумитаи котибони шӯроҳои амнияти СААД доир шуд

ДУШАНБЕ, 23.11.2022 /АМИТ «Ховар»/. 23 ноябр дар шаҳри Ереван таҳти раёсати Ҷумҳурии Арманистон ҷаласаи муштараки Шӯрои вазирони корҳои хориҷӣ, Шӯрои вазирони мудофиа ва Кумитаи котибони шӯроҳои амният баргузор гардид. Ҷумҳурии Тоҷикистонро дар ҷаласаи мазкур Вазири корҳои хориҷӣ Сироҷиддин Муҳриддин, Вазири мудофиа Шералӣ Мирзо ва котиби Шӯрои амният Насрулло Маҳмудзода намояндагӣ карданд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.

Дар ҷаласа натиҷаҳои чорабиниҳо дар марҳилаи байниҷаласавӣ мавриди баррасӣ қарор гирифта, вобаста ба чолишҳо ва таҳдидҳои мавҷуда табодули афкор сурат гирифт ва рӯзномаи иҷлосияи дарпешистодаи Шӯрои амнияти дастҷамъӣ тасдиқ гардид.

Иштирокчиёни ҷаласа якчанд санадҳоро, ки ба тавсеаи ҳамкории байналмилалӣ, таҳкими суботу амният ва рушди самтҳои ҳамкории кишварҳои узви СААД равона шудаанд, ба имзо расониданд.

Акс: ВКХ ҶТ