Бонки Эсхата муҳлати эътибори корти VISA-ро ба ҷои 2 сол то 5 сол тамдид намуд

ДУШАНБЕ, 17.11.2022 /АМИТ «Ховар»/. Бонки Эсхата шурӯъ аз 16 ноябр эътибори корти VISA-ро ба ҷои 2 сол то 5 сол тамдид мекунад, хабар доданд ба АМИТ «Ховар» дар бонки мазкур.

«Навоварӣ барои он кортҳои нави VISA эътибор дорад, ки аз 16 ноябри соли 2022 фармоиш дода мешаванд. Муҳлати эътибори корт, сарфи назар аз тарзи фармоиши он 5 сол хоҳад буд», — таъкид намуданд дар бонк.

Ба гуфти масъулини Бонки Эсхата, истифода аз корти VISA бартариҳои зерин дорад: имконияти пардохти молҳо ва хизматрасониҳо дар нуқтаҳои фурӯш ва хизматрасонӣ дар саросари ҷаҳон, дар ҳама он нуқтаҳое, ки бо логотипи VISA ишора шудаанд, интернет-пардохтҳо, зиёд кардани маблағ: + 3% солона дар бақияи корт, ба даст овардани туҳфаҳои қиматбаҳо дар доираи аксияи “Бурди афсонавӣ” https://eskhata.com/about/news/6521/.Муҳлати амали корт барои ҳама намуди кортҳои VISA (сомонӣ/доллари ИМА) тамдид карда мешавад. Нархи кортҳои VISA бетағйир боқӣ мемонад. Ҳангоми фармоиш додани корт тавассути “Эсхата Онлайн” ба мизоҷон аз арзиши корт 50% тахфиф дода мешавад.

АКС: Бонки Эсхата