Соҳибкори ватанӣ Фарҳод Зиёев ба 14 нафар муаллимони мактаби рақами 11-и ноҳияи Қубодиён кумаки молиявӣ расонид
ДУШАНБЕ, 04.11.2022. /АМИТ «Ховар»/. 31 октябр таҳти раёсати Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон, Раиси Ҳукумати мамлакат муҳтарам Эмомалӣ Раҳмон маҷлиси Ҳукумати Ҷумҳурии Тоҷикистон баргузор шуд, ки дар он дар баробари дигар масъалаҳо Барномаи давлатии рушди муассисаҳои соҳаи маорифи вилояти Хатлон барои солҳои 2022-2027 мавриди баррасӣ қарор гирифт. Зикр кардан бамаврид аст, ки дар ин баробар солҳои охир дар вилояти Хатлон шумораи соҳибкороне, ки дар сохтмони муассисаҳои таълимӣ саҳм мегузоранд, меафзояд.
Аз ҷумла, 1 ноябри соли равон бо иштироки Пешвои миллат муҳтарам Эмомалӣ Раҳмон бинои иловагии муассисаи таълимии рақами 11-и ноҳияи Қубодиён мавриди баҳрабардорӣ қарор дода шуд, ки он бо харҷи 2,5 миллион сомонӣ аз тарафи соҳибкори саховатпеша Фарҳод Зиёев қомат афрохтааст.
Тавре аз Хадамоти матбуоти Раёсати маорифи вилояти Хатлон ба мухбири АМИТ «Ховар» хабар доданд, зимни ифтитоҳи бинои мазкур соҳибкори ватанӣ Фарҳод Зиёев ба Пешвои миллат муҳтарам Эмомалӣ Раҳмон чунин изҳор дошт: «Ба 14 нафар омӯзгорони ноҳия, ки бо сабаби мушкилоти иқтисодӣ азми муҳоҷирати меҳнатӣ доштанд, кумаки молиявӣ намудам. Зеро онҳо омӯзгорони тахассусманд буда, дар таълиму тарбияи насли наврас нақши созгор доранд. Рафтани онҳо боиси нигаронии роҳбари муассисаи таълимӣ буд. Бо ҳар яке аз онҳо суҳбат ороста, дар бораи ҳаҷми маблағҳои заруриашон маълумот гирифтам ва мувофиқи имконият кумаки пулӣ расонидам. Ин боис шуд, ки онҳо аз сафар ба муҳоҷирати меҳнатӣ даст кашида, фаъолиятро дар муассисаи таълимии деҳа идома диҳанд».
Сарвари давлат муҳтарам Эмомалӣ Раҳмон ба соҳибкори ҷавону ватандўст ва маорифпарвар Фарҳод Зиёев барои дастгирии омӯзгорон ва мусоидат дар муҳайё намудани шароити таълиму тарбия аҳсану офарин хонда, амали ҷавонмардонаи ӯро намунаи ибрат барои дигарон арзёбӣ намуданд.
Ёдовар мешавем, ки бинои иловагии муассисаи таълимии рақами 11-и ноҳияи Қубодиён аз ду ошёна, 11 синфхона, 3 ҳуҷраи ёрирасон барои 528 нафар хонанда дар ду баст иборат аст.
Рухсораи НУР,
АМИТ «Ховар»
АКС: Хадамоти матбуоти Президенти ҶТ/АМИТ «Ховар»
Доир ба ташаббуси навбатии ҷаҳонии Тоҷикистон конфронси илмӣ-назариявӣ баргузор шуд
Дар Донишгоҳи байналмилалии забонҳои хориҷии Тоҷикистон бахшида ба Даҳсолаи байналмилалӣ оид ба таҳкими сулҳ ҳамоиши илмӣ баргузор шуд
Ректори Донишгоҳи давлатии Кӯлоб: «Фарҳанги сулҳ пурарзиштарин неъмат ва беҳтарин дастоварди халқи тоҷик мебошад»
Дар Донишгоҳи миллӣ аз саҳми намоёни Тоҷикистон дар густариши сулҳи ҷаҳонӣ ёдовар шуданд
ПЕШВОИ ВАҲДАТОФАРУ СУЛҲПАРВАР — ИҚБОЛИ БАЛАНДИ МИЛЛАТ. Андешаҳои ректори Донишгоҳи давлатии Бохтар дар ин хусус
МАСЛИҲАТ БА ДОВТАЛАБ. Дар рӯзи имтиҳонҳои дохилшавӣ чӣ бояд кард?
Ваҳдати миллӣ шарти асосии ҳифз, таҳким ва пойдории истиқлолият гардид
Аз 1 июл даври асосии имтиҳонҳои марказонидаи дохилшавӣ ба муассисаҳои миёна ва олии касбӣ оғоз мегардад
ЭМОМАЛӢ РАҲМОН – ПЕШВОИ ВАҲДАТОФАР! Ба қадри неъмати бебаҳо – Ваҳдати миллӣ бирасем
Дар Донишгоҳи байналмилалии сайёҳӣ ва соҳибкории Тоҷикистон неругоҳи офтобӣ бо иқтидори 150 кВт ба истифода дода шуд
Дар Донишгоҳи давлатии Кӯлоб оид ба нақши Ваҳдати миллӣ дар ташаккули ҷомеаи шаҳрвандӣ ҳамоиш баргузор шуд
Дар Донишгоҳи миллии Тоҷикистон маҷаллаи нави илмии байналмилалӣ «Дипломатияи тоҷик» таъсис ёфт
