«ҲУНАРМАНДӢ-ОМИЛИ МУСТАҲКАМИИ ОИЛА». Дар Душанбе озмуни беҳтарин маҳсулоти дастии хонаводагӣ доир шуд
ДУШАНБЕ, 24.11.2022 /АМИТ «Ховар»/. Миёни ҳунармандони маҳаллаҳои пойтахт таҳти унвони «Ҳунармандӣ-омили мустаҳкамии оила» озмуни беҳтарин маҳсулоти дастии тавлиди хонаводагӣ баргузор гардид, ки дар он маҳсули дасти хунармандон, аз қабили чакандӯзӣ, гулдӯзӣ, кӯрпадӯзӣ, дуредгарӣ, қуроқдӯзӣ, дӯзандагӣ, қолинбофӣ, бофандагӣ, рубобсозӣ ва доирасозӣ намоиш дода шуд. Дар ин бора ба АМИТ «Ховар» дар Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе хабар доданд.
Озмуни мазкур дар доираи нақшаи чорабиниҳо оид ба татбиқи Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021-2030 ва бахшида ба Солҳои рушди саноат (2022 – 2026) баргузор гардид.
Хадаф аз баргузории озмун, пеш аз ҳама, эҳё намудан ва густариш додани ҳунарҳои аҷдодӣ, ташаккули фарҳанги хонавода, тарғиби арзишҳои миллӣ ва арҷгузорӣ ба суннатҳои аҷдодӣ мебошад.
Дар охир ҳунармандон бо сипосномаву туҳфаҳои хотиравӣ қадрдонӣ гардиданд.
АКС: Раёсати кор бо занон ва оилаи Мақомоти иҷроияи ҳокимияти давлатии шаҳри Душанбе
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
