Дар Душанбе даври шаҳрии озмунҳои «Мураббии сол-2022», «Омӯзгори сол-2022» ва «Хонандаи сол-2022» баргузор мегардад

Декабрь 12, 2022 11:05

ДУШАНБЕ, 12.12.2022. /АМИТ «Ховар»/. Шурӯъ аз имрӯз то 20 декабр дар шаҳри Душанбе даври шаҳрии озмунҳои касбии соҳаи маориф баргузор мегарданд. Аз ҷумла, даври шаҳрии озмуни «Мураббии сол-2022» 12-14 декабр, «Омўзгори сол-2022» 15-17 декабр ва «Хонандаи сол-2022» 19-20 декабр доир мешаванд. Дар ин бора ба АМИТ «Ховар» дар Сарраёсати маорифи шаҳри Душанбе хабар доданд.

Вобаста ба баргузории озмунҳои мазкур дар Мақомоти иҷроияи ҳокимияти давлатии шаҳри Душанбе бо иштироки Раиси Комиссияи озмунҳои касбии соҳаи маориф, муовини Раиси шаҳри Душанбе Дилбар Одилзода, аъзои комиссия аз сохторҳои дахлдори шаҳрӣ ҷаласаи Комиссияи озмунҳои касбии соҳаи маорифи шаҳри Душанбе дар соли 2022 баргузор гардид.

Зикр шуд, ки дар асоси Қарори Раиси шаҳри Душанбе аз 16 апрели соли 2020 «Дар бораи ташкил ва баргузории озмунҳои «Мураббии сол», «Омўзгори сол» ва «Хонандаи сол», ки низомномаи озмунҳои мазкур тасдиқ гардидааст, дар шаҳри Душанбе тибқи қарори дахлдори раисони ноҳияҳои шаҳри Душанбе даври ноҳиявии озмунҳои касбии соҳаи маориф ташкил ва баргузор карда шуд.

Дар натиҷа ғолибони озмуни «Мураббии сол-2022», «Омўзгори сол-2022» ва «Хонандаи сол-2022» муайян гардида, довталабон ба даври шаҳрӣ пешниҳод карда шуданд.

Тибқи тартиб, тавре зикр кардем, баргузории даври шаҳрии озмуни «Мураббии сол-2022» 12-14 декабр пешбинӣ гардидааст. 12-13 декабр довталабон дар кўдакистонҳо машғулият мегузаронанд ва 14 декабр қисмати назариявӣ, саволу ҷавоб оид ба ихтисос, санадҳои меъёрӣ-ҳуқуқии соҳа, кор бо компютер гузаронида мешавад.

Даври шаҳрии озмуни «Омўзгори сол-2022» 15-17 декабр баргузор мегардад. 15-16 декабр довталабон дар муассисаҳои таълимӣ дарсҳои намунавӣ аз рўи ихтисос дар доираи 45 дақиқа, муаррифии таҷрибаи корӣ дар доираи 20 дақиқа, таҳлили дарс (худбаҳодиҳӣ 10 дақиқа), маҷлиси падару модарон дар доираи 20 дақиқа, соати тарбиявӣ дар доираи 20 дақиқа мегузаронанд.

17 декабр ҷамъбасти озмун дар бинои Муассисаи давлатии «Маркази дарёфт ва рушди истеъдодҳои назди Сарраёсати маорифи шаҳри Душанбе» бо гузаронидани саволу ҷавоб бо довталабон аз рўи ихтисос, санадҳои меъёрӣ-ҳуқуқии соҳа ва кор бо компютер анҷом меёбад.


Даври шаҳрии озмуни «Хонандаи сол-2022» 19-20 декабри соли 2022 дар Муассисаи давлатии «Маркази кўдакон ва наврасони шаҳри Душанбе» баргузор мегардад. Шартҳои озмун чунинанд: дар қисмати аввали рўз- корҳои тестӣ ва дар қисмати дуюми рўз корҳои хаттӣ аз фанҳои таълимӣ гузаронида мешаванд. Дар рўзи дуюм баҳогузорӣ ба намоиши дастовардҳо, маҳорати суханварӣ ва донишҳои назариявӣ пешбинӣ шудааст.

Раиси Комиссияи озмунҳои касбии соҳаи маориф, муовини Раиси шаҳри Душанбе Дилбар Одилзода аз масъулин тақозо намуд, ки шаффофияти озмунҳоро таъмин кунанд.

АКС: Сарраёсати маорифи шаҳри Душанбе

Декабрь 12, 2022 11:05

Хабарҳои дигари ин бахш

Дар Академияи идоракунии давлатӣ китоби «Нақши Эмомалӣ Раҳмон дар таҳким ва арҷгузорӣ ба мақоми занон дар ҷомеа» рӯнамоӣ гардид
Донишгоҳи давлатии омӯзгорӣ ба раддабандии байналмилалии таҳқиқоти илмии байнифаннӣ барои соли 2027 ворид шуд
РӮЗИ ПРЕЗИДЕНТ — РАМЗИ ДАВЛАТДОРИИ НАВИН ВА ДАСТОВАРДҲОИ ТОҶИКИСТОНИ СОҲИБИСТИҚЛОЛ. Андешаҳо дар ин маврид
Дар Ёвон бинои иловагии муассисаи таълимӣ ва маркази инкишофи кӯдак ба истифода дода шуд
Дар ноҳияи Варзоб ду муассисаи нави таълимӣ барои 1485 хонанда ба истифода дода мешавад
Донишҷӯёни Донишгоҳи техникии Тоҷикистон дар Озмуни байналмилалии Cezeri Fest 2026 соҳиби ҷойи якум шуданд
ТАҲСИЛ КАРДАН ДЕРӢ НАДОРАД. Зиёда аз 8 ҳазор хонанда дар мактаби ғоибона ба таҳсил фаро гирифта шуданд
Дар Донишгоҳи байналмилалии забонҳои хориҷии Тоҷикистон Маркази имтиҳонии «linguaskill» ба фаъолият оғоз намуд
ИҶЛОСИЯИ XVI ШУРОИ ОЛӢ ВА ТАШАККУЛИ НИЗОМИ НАВИ ИДОРАКУНИИ ДАВЛАТ. Андешаҳо дар ин маврид
Донишкадаи Конфутсийи назди Донишгоҳи миллии Тоҷикистон бо сертификати «Беҳтарин маркази забономӯзӣ» сарфароз гардонида шуд
Дар Донишгоҳи технологии Тоҷикистон бахшида ба Рӯзи Президент конференсияи илмӣ доир шуд
Бахшида ба Рӯзи Президент дар Литсей барои хонандагони болаёқат дар шаҳри Душанбе ҳамоиш доир шуд