Дар ноҳияи Шаҳринав оид ба пешгирии зӯроварӣ дар оила ҳамоиш доир гардид
ШАҲРИНАВ, 21.12.2022 /АМИТ «Ховар»/. Вазифаи аввалиндараҷаи падару модарон — ин дуруст ба камол расонидани фарзандон мебошад. Зеро хушбахтии онҳо меҳвари асосии оила аст. Фарзандон дар оила бояд тибқи фарҳанги миллати тоҷик тарбия ёбанд. Сарчашмаи асосии бесаодатӣ дар оила — ин зулму хушунат аст, ки мутаассифона баъзан ҳамсарон нисбат ба якдигар онро раво мебинанд. Ин матлабро муовини Раиси ноҳияи Шаҳринав Шоиста Неъматуллозода зимни ҳамоиш дар мавзӯи «Пешгирии зӯроварӣ дар оила» баён дошт, иттилоъ медиҳад хабарнигори минтақавии АМИТ «Ховар» Субҳониддини МАҲМУД бо истинод ба Мақомоти иҷроияи ҳокимияти давлатии ноҳия.
Зимни ҳамоиш зикр шуд, ки хушбахтона, бо шарофати истиқлолияти давлатӣ ва дастгирию ғамхориҳои пайвастаи Президенти Ҷумҳурии Тоҷикистон муҳтарам Эмомалӣ Раҳмон дар мамлакат баҳри таъмини устувории мақому манзалати зан-модар имконоти зарурӣ муҳайё гардида, зани тоҷик ба саҳнаи сиёсат ворид гардид.
Хушунат дар оила мухолифи қонунгузорӣ буда, муқаррароти он дар Кодекси Ҷумҳурии Тоҷикистон дар бораи ҳуқуқвайронкуниҳои маъмурӣ муайян гардида, Кодекси ҷиноятии Ҷумҳурии Тоҷикистон доир ба он ҷазо муайян кардааст. Пешгирии зӯроварӣ дар оила яке аз масъалаҳои меҳвариест, ки имрӯз мустақиман таҳти ҳифзу ҳимоят ва пуштибонии Ҳукумати Ҷумҳурии Тоҷикистон қарор дорад.
Намунаи возеҳу равшани он- қабули Қонуни Ҷумҳурии Тоҷикистон «Дар бораи пешгирии зӯроварӣ дар оила» мебошад. Қонуни мазкур муносибатҳои ҷамъиятиро вобаста ба пешгирии зӯроварӣ дар оила танзим намуда, зӯроварӣ дар оиларо доир ба ошкор, пешгирӣ ва бартарафсозии сабаб ва шароити ба он мусоидаткунанда муайян месозад.
Дар ҳамоиш зикр шуд, ки суннати оиладорӣ барои миллати тоҷик муқаддасоти муҳим ба шумор рафта, тарбияи дурусти кӯдакон ва ба роҳи рости ҳаёт ҳидоят намудани онҳо аз вазифаҳои асосии волидайн маҳсуб мешавад. Оилаи солим ҳамон вақт метавонад шакл гирад, ки падар ва модар аз хулқу атвори нек бархурдор бошанд. Танҳо дар ин сурат фарзандон дар рӯҳияи ахлоқи нек, хештаншиносӣ, худогоҳӣ ва эҳтиром ба арзишу муқаддасоти миллӣ тарбия ёфта, ба камолоти маънавӣ мерасанд ва ба бунёди ҷомеаи солим асос мегузоранд.
АКС: Мақомоти иҷроияи ҳокимияти давлатии ноҳияи Шаҳринав
Президенти Ҷумҳурии Тоҷикистон Эмомалӣ Раҳмон ба Кантслери федералии Ҷумҳурии Федеративии Олмон Фридрих Мерс барқияи табрикӣ ирсол намуданд
Иҷлосияи дуюми Маҷлиси миллии Маҷлиси Олии Ҷумҳурии Тоҷикистон, даъвати ҳафтум баргузор мегардад
Дар Хатлон вобаста ба амалиёти пешгирикунандаи «Маданияти шаҳрдорӣ» ҷаласа баргузор гардид
Оид ба тайёр намудани мутахассисони касбӣ ва омӯзиши фанҳои дақиқ машварати илмӣ баргузор гардид
Туҳфаи Президенти Тоҷикистон ба иштирокчиёни Ҷанги дуюми ҷаҳонӣ супорида шуд
Дар Норак бахшида ба Рӯзи ҷавонони Тоҷикистон бо сарбозон вохӯрӣ доир шуд
Маҳмадсолеҳ Қосимов: «Ҳар қадаре заминро оқилонаю самаранок истифода барем, ҳамон қадар баракаташро мебинем»
Вакили Маҷлиси намояндагон иштирокчиёни Ҷанги дуюми ҷаҳонро дар шаҳри Ҳисор аёдат намуд
Дар Хуҷанд байни духтарон мусобиқаи дӯстонаи футбол баргузор гардид
Дар Файзобод оид ба пешгирии қонунвайронкуниҳо дар самти истифодаи қувваи барқ вохӯрӣ доир гардид
Имрӯз дар Тоҷикистон ҳавои тағйирёбанда дар назар аст
Дар вилояти Хатлон иқдоми ҳизбии «Ҳеҷ кас ва ҳеҷ чиз фаромӯш нашудааст» баргузор гардид
