Эмомалӣ Раҳмон: Ҳамаи дастовардҳои Тоҷикистон самараи истиқлолу озодӣ, сулҳу оромӣ ва ваҳдати миллӣ мебошанд
ДУШАНБЕ, 31.12.2022 /АМИТ «Ховар»/. Президенти мамлакат Эмомалӣ Раҳмон ҳамаи дастовардҳои Тоҷикистонро самараи истиқлолу озодӣ, сулҳу оромӣ ва ваҳдати миллӣ хонданд, хабар медиҳад АМИТ «Ховар».
Аз ҷумла, Сарвари давлат имрӯз зимни ироаи паёми шодбошӣ ба муносибати Соли нав иброз доштанд, ки соли сипаришудаистода мардуми Тоҷикистон 30-солагии Иҷлосияи XVI Шӯрои Олиро, ки наҷотбахши истиқлолияти давлатӣ мебошад, ботантана таҷлил намуд.
Дар робита ба ин Пешвои миллат бори дигар таъкид карданд, ки ин рӯйдоди бузурги таърихӣ нуқтаи оғози барқарорсозии ҳокимияти конститутсионӣ, сулҳу оромӣ, суботи сиёсӣ, ваҳдати миллӣ, бунёди давлати соҳибистиқлоли тоҷикон ва ноил гардидан ба дастовардҳои имрӯзаи мо ба ҳисоб меравад.
«Воқеан, тамоми дастовардҳое, ки то имрӯз давлат ва мардуми тоҷик ба онҳо муяссар гардидаанд, самараи истиқлолияту озодӣ, сулҳу оромӣ ва ваҳдати миллӣ мебошанд, — тазаккур доданд Президенти мамлакат. — Расидан ба чунин рӯзҳои орому осуда натиҷаи азму талошҳои содиқонаи мардуми тоҷик ва пуштибонии онҳо аз сиёсати пешгирифтаи давлату Ҳукумат маҳсуб мешавад».
Сарвари давлат изҳори итминон намуданд, ки мардуми ватандӯсти тоҷик дар соли нави 2023 иқдомоти созандаву ободгаронаи худро барои пешрафти давлат, ободу зебо гардонидани сарзамини аҷдодӣ ва беҳтар гардидани шароити зиндагии ҳар хонадони мамлакат боз ҳам тақвияту густариш мебахшанд.
Дар идома таъкид гардид, ки ҷаҳони ноорому буҳронии имрӯза ҳар фарди бонангу номус, ватандӯсту ватанпараст, ҳимматбаланду саховатпеша ва кулли мардуми кишварро водор месозад, ки тамоми саъю талоши худро ба хотири ҳифзи истиқлолияту озодӣ, рушду тараққиёти Тоҷикистони соҳибистиқлол ва ободии Ватани маҳбуб сафарбар созанд.
Изҳори боварӣ карда шуд, ки дар ҳамбастагӣ минбаъд низ дар ҷодаи таъмин намудани зиндагии босаодати халқ ва дастовардҳои нав қадамҳои устувор гузошта мешаванд.
АКС: Хадамоти матбуоти Президенти ҶТ/АМИТ «Ховар»
Созмони ҷаҳонии сайёҳӣ: «Тоҷикистон аз ҳисоби афзоиши теъдоди ҷаҳонгардон ба мамлакат дар зинаи сеюм қарор гирифт»
Аз шаҳри Душанбе ба самти Давҳа парвозҳо оғоз гардиданд
Дар Душанбе нишасти нуздаҳуми Шурои роҳбарикунандаи СПЕКА баргузор гардид
Байни Агентии содироти Тоҷикистон ва Кумитаи рушди содироти Арабистони Саудӣ оид ба рушди содироти ғайринафтӣ Ёддошти тафоҳум ба имзо расид
Ҷаласаи гурӯҳи коршиносон оид ба ташкили бозори минтақавии неруи барқи мамлакатҳои Созмони ҳамкории иқтисодӣ баргузор шуд
Сулаймон Султонзода дар Нишасти дуюми вазирони мақомоти ҳифзи ҳуқуқи давлатҳои аъзои Созмони ҳамкории исломӣ иштирок намуд
Имсол аз Тоҷикистон беш аз ҳазор тонна хуч ба хориҷи мамлакат содирот гардидааст
Дар Риёз ҷаласаи чоруми Кумитаи муштараки Тоҷикистон ва Арабистони Саудӣ оид ба ҳамкории иқтисодӣ, тиҷоратӣ ва сармоягузорӣ доир гардид
Дар шаҳри Кӯлоб филиали «Саноатсодиротбонк» ифтитоҳ гардид
Таҷрибаи Ҷумҳурии Корея оид ба истифодаи технологияҳои ҳушманд дар соҳаи кишоварзӣ дар ноҳияҳои Тоҷикистон баррасӣ гардид
Вазири энергетикаи Тоҷикистон дар Риёз дар чорабинии канорӣ оид ба диверсификатсияи манбаъҳои энергия иштирок намуд
Конфронси 28-уми байналмилалии сармоягузорӣ дар шаҳри Риёзи Подшоҳии Арабистони Саудӣ ба анҷом расид
