МАҲСУЛОТ АЗ ШИШАИ САНҶИШӢ. Дар ИМА ба фурӯши гӯшти сунъӣ иҷозат дода шуд
ДУШАНБЕ, 12.12.2022 /АМИТ «Ховар»/. Дар ИМА гӯшти сунъӣ фурӯхта мешавад. Иҷозати мувофиқро раёсати назорати санитарӣ ба сифати маҳсулоти хӯрокворӣ ва дорувории ИМА (FDA) додааст. Барои муддати аввал ин ҳуҷҷат танҳо ба мурғҳои сунъӣ дахл дорад, менависад АМИТ «Ховар» бо истинод ба РИА Новости.
Мурғи сунъиро аз ҳуҷайраҳои танаи ҳайвонот парвариш мекунанд. Ин маҳсулоти комилан синтетикӣ хоҳад буд. Пешниҳод шудааст, ки истеҳсоли гӯшт аз шишаи таҷрибавӣ дар ИМА ҳарчӣ барвақттар ба роҳ монда шавад, то ки партовҳои зарарнок ба атмосфера кам карда шуда, зимнан бояд аз сафедаҳои ҳайвонот, ки барои организм заруранд, даст кашида нашавад.
Идеяи гӯшти парваришшударо дар ИМА солҳои охир хеле фаъолона пешбарӣ менамоянд. Олимон чандин борҳо имкони истеҳсоли гӯшти сунъиро аз ҳуҷайраҳои бунёдӣ дар биореакторҳо нишон дода буданд. Ин ҳамон гуна равандест ба мисли парвариши бофтаҳо барои пайванд кардан (трансплантатсия). Намунаҳои ҷудокардаи мушакҳои ҳайвонот дар муҳити махсуси ғизоӣ паҳн карда мешаванд. Дар он ҳуҷайраҳои бунёдӣ ба нахҳои мушакӣ табдил меёбанд.
Ёдовар мешавем, ки аввалин кишвар дар ҷаҳон, ки охири соли 2020 ба фурӯши «гӯшт»-и сунъӣ иҷозат дод, Сингапур мебошад.
Шаҳлои САДРИДДИН,
АМИТ «Ховар»
АКС аз манбаъҳои боз
Лоиҳаҳои афзалиятноки инфрасохтори нақлиётии Тоҷикистон дар «Paris InfraWeek 2026» муаррифӣ гардиданд
Дар Душанбе оид ба афзалияти иқлимии Тоҷикистон дар остонаи COP31 ва муаррифии NDC 3.0 ҳамоиш доир шуд
Ҳайати Тоҷикистон дар Форуми дуюми Тян-шон оид ба ҳамкории иқтисодӣ дар Осиёи Марказӣ иштирок намуд
Дар Левакант ҷамъоварии ҳосили пахта беш аз 100 фоиз таъмин гардид
Ҷараёни иҷрои Стратегияи Ҷумҳурии Тоҷикистон дар соҳаҳои илм, технология ва инноватсия барои давраи то соли 2030 баррасӣ шуд
Сулаймон Зиёзода бо ҷамъоварии ҳосили пахта дар ноҳияи Ҷаббор Расулов шинос шуд
Вазорати нақлиёти Тоҷикистон барои навсозии роҳи «Балҷувон-Сари Хосор» бо ширкати чинӣ қарордод ба имзо расонид
Гардиши савдои хориҷии Тоҷикистон беш аз 35 фоиз афзоиш ёфтааст
Дар Душанбе ҷалби сармояи мустақими Саудӣ ба иқтисодиёти Тоҷикистон баррасӣ гардид
Дар Тоҷикистон ҳаҷми истеҳсоли маҳсулоти кишоварзӣ 8,5 фоиз афзоиш ёфтааст
Корхонаи воҳиди давлатии «Почтаи Тоҷикистон» фаъолияташро дар шакли муосир ба роҳ мондааст
Дар Тоҷикистон 1028 гармхонаи доимамалкунанда мавҷуд аст
