Раҳим Саидзода узви алтернативии Шӯрои директорони шарики глобалӣ дар соҳаи маориф аз ҳавзаи Аврупои Шарқӣ, Шарқи наздик ва Осиёи марказӣ интихоб гардид
ДУШАНБЕ, 01.12.2022. /АМИТ «Ховар»/. Вазири маориф ва илм Раҳим Саидзода дар ташкилоти «GPE» (Шарики глобалӣ дар соҳаи маориф) ба ҳайси узви алтернативии Шӯрои директорони Шарики глобалӣ дар соҳаи маориф аз ҳавзаи Аврупои Шарқӣ, Шарқи наздик ва Осиёи Марказӣ интихоб гардид. Дар ин бора ба АМИТ «Ховар» дар маркази матбуоти Вазорати маориф ва илми Ҷумҳурии Тоҷикистон хабар доданд.
Интихоб гардидани Вазири маориф ба ин мартаба эътироф гардидани дастовардҳои соҳаи маорифи Ҷумҳурии Тоҷикистон дар сатҳи байналмилалӣ мебошад.
Маълумоти мазкур дар сомонаи ташкилоти «GPE» (Шарики глобалӣ дар соҳаи маориф) нашр шудааст.
Бояд гуфт, ки ташкилоти «GPE» (Шарики глобалӣ дар соҳаи маориф) платформаи шарикӣ ва маблағгузории бисёрҷониба мебошад, ки ҳадафи он таҳкими низомҳои маориф дар кишварҳои рӯ ба тараққӣ бо мақсади зиёд кардани шумораи кӯдаконест, ки дар мактаб таҳсил мекунанд.
Шӯрои мазкур 20 ҳавза дорад, ки ҳар ҳавзаи интихоботиро дар маҷмӯъ 40 нафар намояндагӣ мекунанд. Аъзои ҳавза аз кишварҳои рӯ ба тараққӣ интихоб шудаанд.
Бояд тазаккур дод, ки аз рӯзҳои аввали соҳибистиқлолӣ роҳбарияти давлату Ҳукумати мамлакат ба хотири рушди илму маориф тамоми захираву имкониятро равона кардаанд ва ин тадбир минбаъд низ бомаром идома меёбад.
Дар даврони соҳибистиқлолӣ барои таъмин намудани рушди соҳаи маориф даҳҳо барномаҳои давлатӣ қабулу амалӣ карда шуда, Ҳукумати мамлакат маблағгузориро барои рушди ин бахш сол ба сол афзоиш дода истодааст. Соли 2022 барои соҳаи маориф 6 миллиарду 304 миллион сомонӣ ҷудо гардидааст, ки нисбат ба соли 2021-ум 706 миллион сомонӣ ё 11,3 фоиз зиёд буда, 19 фоизи ҳаҷми умумии хароҷоти буҷети давлатиро ташкил медиҳад.
Инчунин дар ин давра бунёд кардану таъсис додани 32 муассисаи таҳсилоти олӣ, 41 муассисаи таҳсилоти ибтидоиву миёнаи касбӣ ва 3246 мактаб, аз ҷумла 156 муассисаи таълимии типи нав, яъне гимназия, литсей, мактабҳои байналмилалӣ ва 300 муассисаи томактабӣ далели возеҳи иқдомоти созандаи Ҳукумати мамлакат мебошад.
Зарангези ЛАТИФ,
АМИТ «Ховар»
АКС аз манбаъҳои боз
Эмомалӣ Раҳмон: «Муассисаи таълимии №6-и шаҳри Хоруғ ба номи шодравон Алишери Мирзонабот гузошта шавад»
Президенти Ҷумҳурии Тоҷикистон Эмомалӣ Раҳмон дар шаҳри Хоруғ бинои нави муассисаи таҳсилоти миёнаи умумии №6-ро мавриди истифода қарор доданд
Солҳои охир теъдоди муассисаҳои таълимӣ дар Бадахшон ба таври бесобиқа афзоиш ёфтааст
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Байни Академияи идоракунии давлатии Тоҷикистон ва Донишгоҳи технологии Ланҷоу Ёддошти тафоҳум ба имзо расид
157 довталаб аз шаҳри Душанбе ба даври ниҳоии Озмуни ҷумҳуриявии «Илм – фурӯғи маърифат» роҳхат гирифтанд
ТАШАББУСИ ТОҶИКИСТОН ДАР РУШДИ ЗЕҲНИ СУНЪИИ БЕХАТАР ДАР АРСАИ ҶАҲОНӢ. Мулоҳизаҳо дар ин маврид
Доир ба масоили муҳими соҳаи нақлиёт ва инфрасохтори роҳҳо конференсияи байналмилалӣ баргузор шуд
ФАРДОИ ТОҶИКИСТОН ИМРӮЗ ДАР МАКТАБ АСТ. Андешаҳо дар ҳошияи суханронии Президенти Ҷумҳурии Тоҷикистон дар Рӯзи дониш
Зиёда аз 40 ҳазор нафар ҷавонони Тоҷикистон дар муассисаҳои таҳсилоти олии қариб 50 кишвари ҷаҳон илму дониш ва касбҳои муосир меомӯзанд
Масоили омода намудани мутахассисон дар дохил ва хориҷи Тоҷикистон баррасӣ шуд
350 нафар донишҷӯёни тоҷик дар Ҷумҳурии Корея таҳсил менамоянд
