«Белтелерадиокомпания» хабар медиҳад: Беларус ва Тоҷикистон корро бо ҷавонони ҳарду мамлакат вусъат медиҳанд

ДУШАНБЕ, 06.01.2023 /АМИТ «Ховар»/. Иттифоқҳои касабаи Тоҷикистон ва Беларус харитаи роҳ ба имзо расониданд, хабар медиҳад АМИТ «Ховар» бо истинод ба сомонаи ширкати «Белтелерадиокомпания» — tvr.by. Харитаи роҳ ба пурзӯр намудани фаъолияти якҷоя бо ҷавонон дахл дорад.

Ҷонибҳо ҳамчунин барои фиристодани шаҳрвандони Тоҷикистон ба осоишгоҳҳои Беларус изҳори ҳавасмандӣ карданд.

Ба зикри Раиси Федератсияи иттифоқҳои касабаи мустақили Тоҷикистон Маликшо Неъматзода, кишварҳо бояд аз ҳамдигар чизҳои зиёд биомӯзанд. Мавсуф ният дорад дар соли нав ба Минск сафар кунад.

Дар Душанбе вобаста ба ин масъала мулоқоти роҳбарони бахшҳои марбутаи фарҳангу иттилоот, варзиш ва сайёҳӣ баргузор шуд.

Давлатҳо ба тавофуқ расиданд, ки мубодилаи ҳайатҳои вакилонро ба роҳ монанд, то таҷрибаи ҷамъшударо дар амал аз худ намоянд.

Ғайр аз ин дар соҳаи мубодилаи фарҳангӣ дигар корҳо мавҷуданд.

Китобхонаи миллии Тоҷикистон бо маҷмӯи истисноии китобҳо дар бораи Беларус ғанӣ гардид.

Қаблан иттифоқҳои касабаи Тоҷикистон ва Россия эълом карда буданд, ки ҳамкории гуногунҷанбаи дуҷонибаро низ густариш медиҳанд — ҷонибҳо дар ин бора санади расмӣ имзо карданд.

София ШОИК,
АМИТ «Ховар»

АКС аз бойгонӣ