ДАСТГИРИИ ДАВЛАТ. Боз 37 нафар омӯзгорони ноҳияи Дӯстӣ соҳиби замини наздиҳавлигӣ мегарданд
ДУШАНБЕ, 09.01.2023. /АМИТ «Ховар»/. 37 нафар омӯзгорони ноҳияи Дӯстии вилояти Хатлон соҳиби замини наздиҳавлигӣ мегарданд. Соли гузашта ба 30 нафар омӯзгорони ҷавони ин ноҳия қитъаи замин барои бунёди хонаи истиқоматӣ ҷудо гаридида буд, иттилоъ доданд ба АМИТ «Ховар» дар Раёсати маорифи вилояти Хатлон.
Иқдоми мазкур дар доираи дастуру супоришҳои Пешвои миллат Эмомалӣ Раҳмон барои дастгирӣ ва ҳавасмандгардонии омӯзорони ҷавон ба роҳ монда шудааст. Мақомоти иҷроияи ҳокимияти давлатии ноҳияи Дӯстӣ ба хотири бартараф кардани норасоии кадрӣ дар ҷамоати деҳоти «20-солагии Истиқлолият» омӯзгоронро ба кор даъват намуда, бо замини наздиҳавлигӣ таъмин менамояд.
Раиси ноҳия Даврон Нишонзода зикр кард, ки аз ҷониби мақомоти иҷроияи ҳокимияти давлатии ноҳия баҳри баланд бардоштани мақоми омўзгор дар ҷомеа пайваста тадбирҳои муассир андешида мешаванд.
«Соли гузашта низ дар арафаи иди касбии омӯзгорон ба 30 нафар омӯзгорони ҷавони ноҳия замини наздиҳавлигӣ ҷудо гардида буд», — гуфт Даврон Нишонзода.
Ҳоло роҳбарияти мақомоти маҳаллӣ ва шуъбаи маорифи ноҳия баҳри баланд бардоштани мақоми омӯзгор дар ҷомеа, бартараф намудани норасоии кадрӣ, таъмини шароити созгор барои маорифчиён ва баланд бардоштани савияи дониши хонандагон ҷаҳду талош намуда истодаанд, ки роҳандозӣ гардидани иқдоми мазкур гувоҳи гуфтаҳои болост.
Президенти Ҷумҳурии Тоҷикистон муҳтарам Эмомалӣ Раҳмон зимни ироаи Паёми худ ба Маҷлиси Олии кишвар 23 декабри соли 2022 арҷу эҳтиромро нисбат ба омӯзгор аз ҷумлаи масъалаҳои муҳим унвон карданд.
«Мо мактабро ба ҳайси боргоҳи илму дониш, саводу маърифат ва омӯзгорро чун шахси мафкуррасозу тарбиятгари насли наврас эътироф карда, ба онҳо арҷу эҳтиром гузоштанро аз ҷумлаи масъалаҳои муҳимтарин медонем», — тазаккур доданд Сарвари давлат.
АКС: АМИТ «Ховар»
Оид ба таҳия ва такмили китобҳои дарсӣ машварати методӣ баргузор шуд
Дар ноҳияи Рӯдакӣ оид ба нақши Наврӯз дар ташаккули худшиносии миллӣ конференсияи илмӣ доир шуд
Иди Наврӯзро дар Коллеҷи политехникии ноҳияи Данғара пуршукуҳ ҷашн гирифтанд
Оид ба инкишофи бартарияти рақобатпазирии иқтисодиёти Тоҷикистон дар шароити муосир конференсияи байналмилалӣ доир шуд
Дар Коллеҷи техникию омӯзгории ноҳияи Рӯдакӣ озмоишгоҳи физика ба истифода дода шуд
Бахшида ба ҷашни Наврӯз дар “Боғи Ирам” Фестивали муассисаҳои таҳсилоти ибтидоӣ ва миёнаи касбӣ баргузор шуд
«АЗ НАВРӮЗ ТО НАВРӮЗ». Дар Донишкадаи давлатии санъати тасвирӣ ва дизайни Тоҷикистон ҷашни Наврӯзро таҷлил намуданд
Барои масъулини муассисаҳои таҳсилоти миёнаи касбӣ дар самти татбиқи низоми кредитӣ машварат оғоз ёфт
Хатмкунандагони Донишгоҳи техникии Тоҷикистонро ба хизмат дар сафи Қувваҳои Мусаллаҳ гусел намуданд
Дар Донишгоҳи давлатии Бохтар оид ба тағйирёбии иқлим ва таъсири он ба иқтисоди миллӣ ҳамоиш доир шуд
Хонандагони тоҷик дар Олимпиадаи байналмилалии «Brainiacs» 173 ҷойи ифтихориро сазовор шуданд
Фаррух Каримзода дар Олимпиадаи кушоди математикии донишҷӯёни мактабҳои олии ҷаҳон соҳиби медали тилло гардид
