БАЪД АЗ ТАНАФФУСИ СЕСОЛА. «Сомон Эйр» парвозҳоро дар масири Душанбе-Урумчӣ-Душанбе барқарор менамояд
ДУШАНБЕ, 01.02.2023 /АМИТ «Ховар»/. Шурӯъ аз 8 феврали соли равон ширкати ҳавопаймоии «Сомон Эйр» парвозҳоро дар масири Душанбе-Урумчӣ-Душанбе баъд аз танаффуси сесола барқарор менамояд. Дар ин хусус Директори генералии ширкати ҳавопаймоии «СомонЭйр» Абдулқосим Валиев имрӯз дар ҷамъи хабарнигорони дохилию хориҷӣ дар Душанбе иброз намуд.
Мавсуф дар нишасти хабарӣ гуфт, ки парвозҳо аз пойтахти Тоҷикистон- шаҳри Душанбе ба самти шаҳри Урумчии Вилояти Мухтори Шинҷону Уйғури Ҷумҳурии Мардумии Чин ҳафтае як маротиба ба роҳ монда мешаванд. Баъдан шурӯъ аз моҳи марти соли равон дар як ҳафта ду маротиба парвозҳо дар масири Душанбе-Урумчӣ-Душанбе сурат мегиранд.
Бояд тазаккур дод, ки парвозҳо байни Душанбе ва Урумчӣ аз моҳи марти соли 2020 бар асари паҳн гардидани бемории ҳамагири СOVID-19 ва эълон гардидани пандемия дар ҷаҳон аз сӯи Созмони умумиҷаҳонии тандурустӣ қатъ гардида буданд.
Ҳамзамон бо натиҷагирӣ аз фаъолияти ширкати ҳавопаймоии Тоҷикистон «Сомон Эйр» дар соли сипаригардида Абдулқосим Валиев гуфт, ки «соли 2022 ширкати ҳавопаймоии «Сомон Эйр» бо мақсади мукаммал намудани парки ҳавопаймоии ширкат ва рушди инфрасохтори соҳаи авиатсияи мамлакат ду адад ҳавопаймои тамғаи «Боинг 737-800»-ро тариқи лизинги амалиётӣ аз яке аз бонуфузтарин ширкатҳои хориҷӣ — Aviation Capital Group /ACG/ харидорӣ намуд. Дар натиҷа теъдоди ҳавопаймоҳои ширкат зиёд шуда, ба афзоиши шумораи парвозҳо ва иҷрои саривақтии парвозҳои таъйинотӣ мусоидат намуд. Ин ду ҳавопаймо ба номи қаҳрамонони Тоҷикистон — Мирзо Турсунзода ва Нусратулло Махсум гузошта шудаанд».
Марзия САИДЗОДА,
АМИТ «Ховар»
АКС аз АМИТ «Ховар»
Дар Душанбе бахшида ба Рӯзи кормандони мақомоти назорати давлатии молиявӣ ва мубориза бо коррупсия ҷамъомад баргузор шуд
ИМРӮЗ — РӮЗИ КОРМАНДОНИ МАҚОМОТИ НАЗОРАТИ ДАВЛАТИИ МОЛИЯВӢ ВА МУБОРИЗА БО КОРРУПСИЯ. Аз таъсиси Агентии назорати давлатии молиявӣ ва мубориза бо коррупсия 19 сол пур шуд
Неругоҳи барқи обии «Себзор» давоми фаъолият беш аз 21 миллион кВт-соат неруи барқ истеҳсол намудааст
Баҳодур Шерализода: «Қабули Қатъномаи ЮНЕП дар пешбурди дипломатияи муҳити зисти Тоҷикистон нақши назаррас дорад»
Агентии «Тоҷикстандарт»: «Аз маҳсулоти ширкати «Nestle» бо тамғаи NAN дар марҳилаи муайяншуда истифода набаред!»
Тоҷикистон ҳамкориро бо Бонки осиёии сармоягузории инфрасохторӣ тақвият медиҳад
Бонки миллии Тоҷикистон: иттилои паҳншуда дар бораи он, ки Бонки миллӣ бо 1 фоиз қарз медиҳад, воқеият надорад
Дар Ишкошим зеристгоҳи барқии «Қозидеҳ» ба истифода дода мешавад
Дар Вазорати рушди иқтисод ва савдо оид ба иҷрои супоришҳои Президенти Тоҷикистон дар Паём ба Маҷлиси Олӣ ҷаласа доир шуд
Дар Тоҷикистон лоиҳаи Қонун дар бораи сиёсати аграрӣ таҳия мегардад
Дар Панҷакент ҷаласаи Шуро оид ба рушди соҳибкорӣ ва беҳтар намудани фазои сармоягузорӣ баргузор гардид
Дар хоҷагии ҷангали ноҳияи Данғара дар 44 гектар ниҳолҳои пистаҳои хушкшуда барқарор гардид
