Дар Душанбе масъалаҳои содироти маҳсулоти кишоварзӣ ба Қазоқистон баррасӣ карда шуданд
ДУШАНБЕ, 10.02.2023 /АМИТ «Ховар»/. 7 феврал дар Агентии содироти назди Ҳукумати Ҷумҳурии Тоҷикистон вохӯрии роҳбарияти Агентӣ бо намояндагони ҳокимияти вилояти Акмолаи Ҷумҳурии Қазоқистон баргузор шуд. Дар ин хусус ба АМИТ «Ховар» дар Агентии содирот хабар доданд.
Дар ҷараёни вохӯрӣ масъалаҳои муҳими таҳкими ҳамкорӣ дар самти содироти маҳсулоти кишоварзӣ байни ҷонибҳо мавриди муҳокима қарор гирифт. Ҳамчунин дар вохӯрӣ имконоти содироти маҳсулоти ватанӣ, самтҳои асосии фаъолияти Агентии содирот, аз ҷумла мусоидат ба рушди босуботи миқдор ва сифати содироти молу маҳсулоти ватанӣ ба хориҷи мамлакат, баланд бардоштани иқтидори содиротии ҷумҳурӣ ва ҷалби харидорони хориҷӣ муаррифӣ карда шуданд.
Ҷониби ҳайати вилояти Акмолаи Ҷумҳурии Қазоқистон ҷиҳати тақвият додани ҳамкорӣ дар самти имконияти содироти молу маҳсулоти кишоварзӣ аз Ҷумҳурии Тоҷикистон мавқеи худро иброз намуда, пешниҳод намуд, ки омодаанд барои бастани созишномаҳо бо Ҷумҳурии Тоҷикистон ҳамкорӣ намоянд.
Инчунин 8-9 феврал дар идомаи сафар намояндагони ҳокимияти вилояти Акмолаи Ҷумҳурии Қазоқистон бо имконоти истеҳсолии хоҷагиҳо, анборхонаҳо, сардхонаҳо ва маҳсулоти кишоварзии ба содиротнигаронидашуда дар вилояти Хатлон, аз ҷумла дар ноҳияҳои Кӯшониён, Ҷайҳун, Ҷалолиддини Балхӣ ва минтақаи Ҳисор шинос шуданд.
АКС: Агентии содироти назди Ҳукумати Ҷумҳурии Тоҷикистон
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
Ҳамкории гумрукӣ байни Тоҷикистон ва Эрон дар Шероз баррасӣ шуд
