Дар Кӯлоб ҷиҳати омодагӣ ба ҷашни 35-солагии Истиқлоли давлатии Тоҷикистон машварати корӣ доир карда шуд
ДУШАНБЕ, 15.02.2023 /АМИТ «Ховар»/. Бо мақсади таъмини рушди устувори иқтисодию иҷтимоӣ, тақвияти ҳисси баланди масъулиятшиносию ватандӯстӣ ва омодагии сазовор ба ҷашни 35-солагии Истиқлоли давлатии Ҷумҳурии Тоҷикистон дар мақомоти иҷроияи ҳокимияти давлатии шаҳри Кӯлоб бо фаъолони шаҳр машварати корӣ баргузор шуд, хабар медиҳад АМИТ «Ховар» бо истинод ба мақомоти иҷроияи ҳокимияти давлатии шаҳри Кӯлоб.
Масъулин вазифадор гардиданд, ки нақшаи корӣ тартиб дода, тибқи он ҳамарӯза дар байни аҳолӣ кор баранд. Аз ҷумла то 20 март рӯйхати даъватшавандагонро тартиб дода, бо волидайни онҳо корҳои фаҳмондадиҳиро дуруст ба роҳ монанд. Бояд ҳар яки онҳо дарк кунанд, ки хизмат дар сафи Қувваҳои Мусаллаҳи Ҷумҳурии Тоҷикистон қарзи фарзандӣ дар назди Ватан-Модар мебошад.
Ҳамчунин аз масъулини соҳаи кишоварзӣ даъват ба амал оварда шуд, ки ҳар қитъа замин бояд кишт ва самаранокии истифодаи заминҳои наздиҳавлигӣ таъмин карда шавад. “Сари вақт анҷом додани кишту кори баҳорӣ- ин кафолати таъмини амнияти озуқавории мамлакат мебошад ва пайваста таҳти назорати роҳбарияти давлат ва Ҳукумати Тоҷикистон қарор дорад”, -таъкид гардид зимни машварати корӣ.
Дар машварат баҳри сазовор истиқбол гирифтани ҷашни 35-солагии Истиқлоли давлатии Ҷумҳурии Тоҷикистон ва таъмини иҷрои нақша чорабиниҳои мақомоти шаҳр бахшида ба ин санаи муҳими таърихӣ масъулини соҳаҳои дахлдор вазифадор карда шуданд.
АКС: Мақомоти иҷроияи ҳокимияти давлатии шаҳри Кӯлоб
35-СОЛАГИИ ИСТИҚЛОЛИ ДАВЛАТӢ. Дар шаҳри Кӯлоб сохтмони иншооти ҷашнӣ марҳила ба марҳила идома дорад
35-СОЛАГИИ ИСТИҚЛОЛИ ДАВЛАТӢ. Дар шаҳри Ҳисор қариб се километр роҳ мумфарш карда шуд
35-СОЛАГИИ ИСТИҚЛОЛИ ДАВЛАТӢ. Дар Хатлон 341 иншооти соҳаи маориф ба истифода дода мешавад
Дар Душанбе рӯзҳои фарҳанги вилоятҳои Хатлону Суғд, ноҳияҳои Ванҷ, Шуғнон ва Рӯшон баргузор мегарданд
ИСТИҚЛОЛИЯТИ ДАВЛАТӢ. Чор ҳадафи стратегии Тоҷикистон дар самтҳои асосии рушди мамлакат қабул гардид
НИШАСТИ МАТБУОТӢ. Дар ноҳияи Қубодиён беш аз сад иншоот ба истифода дода мешавад
Дар шаҳри Ҳисор маҷмааи муосири варзишӣ ба истифода дода шуд
Пешвои миллат Эмомалӣ Раҳмон дар шаҳри Ҳисор якчанд иншооти муҳими иҷтимоӣ, истеҳсолӣ ва хизматрасониро ба таври фосилавӣ ифтитоҳ намуданд
Президенти Ҷумҳурии Тоҷикистон Эмомалӣ Раҳмон дар шаҳри Ҳисор бинои Муассисаи томактабии «Сафия»-ро мавриди истифода қарор доданд
Сарвари давлат Эмомалӣ Раҳмон бинои нави Кумитаи иҷроияи Ҳизби Халқии Демократии Тоҷикистон дар шаҳри Ҳисорро ифтитоҳ намуданд
Пешвои миллат Эмомалӣ Раҳмон дар шаҳри Ҳисор Гулгашти навбунёди Дуои модарро мавриди истифода қарор доданд
35-СОЛАГИИ ИСТИҚЛОЛИ ДАВЛАТӢ. Дар ноҳияи Мир Сайид Алии Ҳамадонӣ зеристгоҳи нави барқии 110/35/10 кВ ба истифода дода мешавад
