Дар Норак даври шаҳрии озмуни вилоятии «Суруди Алла» баргузор шуд

ДУШАНБЕ, 05.02.2023 /АМИТ «Ховар»/. 3 феврал дар Қасри фарҳанги шаҳри Норак даври шаҳрии озмуни вилоятии «Суруди Алла» таҳти унвони «Алла-ифшогари орзуҳои Модар» баргузор шуд, хабар медиҳад АМИТ «Ховар» бо истинод ба Мақомоти иҷроияи ҳокимияти давлатии шаҳри Норак.

Озмуни «Суруди Алла» бо мақсади баланд бардоштани маърифати оиладорӣ, омодасозии ҷавондухтарон ба ҳаёти мустақил гузаронида шуда, дар он занону бонувон,  кормандони Осорхона, Китобхона, Қасри фарҳанг ва Мактаби бачагонаи санъати шаҳри Норак иштирок намуданд. Ба ҳунарнамоии иштирокдорон аъзои Комиссияи  даври шаҳрии озмун баҳо гузошт.

АКС: Мақомоти иҷроияи ҳокимияти давлатии шаҳри Норак