Дар Рӯзи ҳадяи китоб дар Китобхонаи миллии Тоҷикистон Ҳафтаи забони русӣ оғоз ёфт
ДУШАНБЕ, 14.02.2023 /АМИТ«Ховар»/. Дар доираи Рӯзи байналмилалии ҳадяи китоб, ки имрӯз, 14 феврал бо ибтикори шуъбаи кӯдакон ва наврасони Муассисаи давлатии «Китобхонаи миллӣ»-и Дастгоҳи иҷроияи Президенти Тоҷикистон Ҳафтаи забони русӣ оғоз гардид. Дар ин хусус АМИТ «Ховар» бо истинод ба Китобхонаи миллӣ хабар медиҳад.
Муовини аввали Директори Китобхонаи миллӣ Салима Раҷабзода иброз дошт, ки барои роҳандозии Ҳафтаи забони русӣ шогирдони муваффақи мактабҳо интихоб карда шуданд.
Дар маҳфили мазкур хонандагони литсейи «Роҳнамо» доир ба расму оини ва анъанаҳои мардуми рус маълумоти муфиду муфассал доданд.
Дар Ҳафтаи забони русӣ аз зиндагиву эҷоди шоири рус Сергей Пушкин суҳбатҳо намуда, аз ашъори ин адиби маъруф шеърҳои зебову пурмазмун қироат менамоянд.
Бояд гуфт, ки Китобхонаи миллӣ ҳар сол маҳфилҳои Ҳафтаи забони русӣ ва Рӯзи ҳадяи китобро бо шукӯҳи хосса ва туҳфаи китобҳо ба алоқамандон ҷашн мегирад.
Ёдовар мешавем, ки бо қарори Шӯрои сарони давлатҳои Иттиҳоди Давлатҳои Мустақил соли 2023 дар давлатҳои Иттиҳод Соли забони русӣ ҳамчун забони муоширати байни миллатҳо эълон гардидааст.
Дар ҷаҳон 250 миллион нафар бо забони русӣ ҳарф мезананд. Забони русӣ яке аз 6 забони расмии Созмони Милали Муттаҳид мебошад.
Президенти Ҷумҳурии Тоҷикистон муҳтарам Эмомалӣ Раҳмон 1 сентябри соли 2022 дар маросими ифтитоҳи панҷ мактаби миёна бо забони русӣ дар Тоҷикистон чунин иброз доштанд: «Тавре маълум аст, дар Конститутсияи Ҷумҳурии Тоҷикистон ба забони русӣ мақоми забони муоширати байни миллатҳо дода шудааст. Ду сол қабл дар доираи Шӯрои сарони давлатҳои Иттиҳоди Давлатҳои Мустақил тасмим гирифта шуда буд, ки соли 2023 Соли забони русӣ эълон гардад. Дар ин замина, мо ба мувофиқа расидем, ки барои дастгирӣ ва инкишофи забони русӣ дар давлатҳои Иттиҳод, аз ҷумла дар Тоҷикистон тадбирҳои иловагӣ андешида шаванд».
София ШОИК,
АМИТ «Ховар»
АКС: Китобхонаи миллии Тоҷикистон
Дуғдоғи беозору зебо «Парандаи сол-2025» дар Тоҷикистон интихоб шуд
Дар Самарқанд спектаклҳои «Хунхори Торросӣ» ва «Агар ҷанг намебуд» намоиш дода мешаванд
Ҳамкории Тоҷикистон ва Миср дар самти таҳқиқ ва омӯзиши мероси таърихию фарҳангӣ густариш меёбад
Ҳайати Тоҷикистон дар ҷаласаи Шурои директорони осорхонаҳои миллии Осиёи Марказӣ иштирок намуд
«ТОҶИКИСТОН-КИШВАРИ ЁДГОРИҲОИ ТАЪРИХӢ». Дар Ҷумҳурии Арабии Миср намоиши байналмилалӣ ифтитоҳ ёфт
Ғолиби «Фурӯғи субҳи доноӣ китоб аст» Шаина Мабатқадамова: «Маслиҳати падаронаи Сарвари давлат маро руҳбаланд кард»
МЕҲРГОН-ИДИ МЕҲРУ МУҲАББАТ. Ин ҷашни бостонии тоҷикон ба Феҳристи репрезентативии мероси фарҳанги ғайримоддии башарият ворид гардид
САНЪАТИ РУБОБСОЗӢ ВА РУБОБНАВОЗӢ. Ин асбоби мусиқии миллии тоҷикон ба Феҳристи репрезентативии мероси фарҳанги ғайримоддӣ ворид карда шуд
Дар маҷаллаи бонуфузи «Diplomatic Insight Publishers» -и Покистон матлабе дар бораи дипломатияи ҷаҳонии оби Президенти Тоҷикистон ба нашр расид
Дар Филармонияи давлатии Тоҷикистон ба номи Акашариф Ҷӯраев барои баргузории чорабиниҳои сатҳи баланд шароит муҳайё гардид
Масъалаи баргузории Рӯзҳои фарҳанги Ҷумҳурии Тоҷикистон дар Иёлоти Муттаҳидаи Амрико баррасӣ гардид
Президенти Академияи миллии илмҳои Тоҷикистон бо фаъолияти Маркази таҳқиқоти экологии шаҳри Акита шинос шуд
