Дар Донишгоҳи омӯзгорӣ Рӯзи матбуоти тоҷикро таҷлил карданд
ДУШАНБЕ, 11.03.2023 /АМИТ «Ховар»/. 10 март бахшида ба Рӯзи матбуоти тоҷик дар Донишгоҳи давлатии омӯзгории Тоҷикистон ба номи Садриддин Айнӣ ҳамоиши илмӣ баргузор шуда, дар он роҷеъ ба махсусияти матбуоти замони истиқлол, ҳифзи он аз хатару таҳдидҳои ҷаҳонишавӣ, роҳҳои таҳкими амнияти фазои расонаӣ ва усулҳои пешгирии таъсири ахбори муғризонаи шабакаҳои иҷтимоӣ ба афкори ҷавонон, бахусус донишҷӯён ибрози назар карда шуд.
Тавре аз донишгоҳи мазкур ба АМИТ «Ховар» хабар доданд, зимни ҳамоиш таъкид карда шуд, ки фазои расонаии замони истиқлолро дастовардҳои бунёдии роҳбарияти мамлакат мукаммал месозад. Ҳамарӯза матбуоти тоҷик барномаю репортажҳои гуногун омодаву таҳия ва пахш менамояд, ки аз фаъолияти олии ин бахши ҷумҳурӣ шаҳодат медиҳад.
Инъикоси холисонаи симои воқеии Тоҷикистони соҳибистиқлол, тарғиби сиёсати пешгирифтаи Президенти Ҷумҳурии Тоҷикистон муҳтарам Эмомалӣ Раҳмон ва вазъи иҷтимоии мардуми диёр, ки аз самти муҳимтарини кори матбуот ва расонаҳои замони истиқлол ба шумор меравад, мавриди арзёбӣ қарор гирифт.
АКС: Донишгоҳи давлатии омӯзгории Тоҷикистон ба номи Садриддин Айнӣ
Байни Маркази барномаҳои байналмилалӣ ва ширкати «Beijing Yude International Education Technology Group Co., Ltd.» Ёддошти тафоҳум ба имзо расид
Имрӯз дар Тоҷикистон ҳавои тағйирёбандаи бебориш пешгӯӣ мешавад
ОМОДАГӢ БА ЗИМИСТОН. Ҳангоми истифодаи ангишт барои гармкунии манзил қоидаҳои бехатариро риоя намоед!
БЕҲТАРИН СОДИРОТКУНАНДАИ ТОҶИКИСТОН. Агентии миллии иттилоотии Тоҷикистон «Ховар» ғолиби озмун гардид
Дар Душанбе Рӯзи Парчами давлатӣ дар сатҳи баланд таҷлил карда мешавад
20 октябр Рӯзи байналмилалии танзимгарони ҳаракати ҳавоӣ мебошад
