Намояндагони Вазорати маорифи Малайзия аз Донишгоҳи байналмилалии сайёҳӣ ва соҳибкории Тоҷикистон боздид намуданд
ДУШАНБЕ, 15.03.2023 /АМИТ «Ховар»/. Намояндагони Вазорати маорифи Малайзия аз Донишгоҳи байналмилалии сайёҳӣ ва соҳибкории Тоҷикистон боздид намуда, бо шароиту имконоти таҳсил дар донишгоҳ ва пойгоҳи моддию техникии ин муассисаи таълимӣ шинос гардиданд. Дар ин хусус мухбири АМИТ «Ховар» бо истинод ба Донишгоҳи байналмилалии сайёҳӣ ва соҳибкории Тоҷикистон иттилоъ додааст.
Меҳмонон дар ҷараёни шиносоӣ бо озмоишгоҳҳои таълимӣ ва ҷараёни дарсҳо бо донишҷӯён суҳбат намуданд.
Ташрифи меҳмонон ба синфхонаи таълимии сайёҳии кӯҳӣ ба лаҳзае рост омад, ки профессори Донишгоҳи Бредаи Нидерландия Тео Ван де Лаар ба таври маҷозӣ ба донишҷӯёни бахши сеюми ихтисоси менеҷмент дар соҳаи сайёҳии байналмилалӣ дарс мегуфт.
Меҳмонон бо профессор Тео Ван де Лаар суҳбати маҷозӣ анҷом дода, ҷиҳати ба роҳ мондани ҳамкорӣ бо донишгоҳҳои Малайзия низ ба профессор пешниҳод ироа намуданд.
Баъди боздид аз пойгоҳи омодасозии мутахассисон меҳмонон бо роҳбарияти донишгоҳ мулоқот анҷом доданд.
Намояндагони Вазорати маорифи Малайзия таассуроти неки хешро аз ҷараёни боздид аз шароиту имконияти таҳсил дар Донишгоҳи байналмилалии сайёҳӣ ва соҳибкории Тоҷикистон баён дошта, бо назардошти имконияти мавҷуда ба роҳ мондани ҳамкории судмандро бо донишгоҳҳои Малайзия мувофиқи мақсад шумориданд.
АКС: Донишгоҳи байналмилалии сайёҳӣ ва соҳибкории Тоҷикистон
Дар шаҳри Кӯлоб муассисаи таълимӣ баъди таъмиру навсозӣ ба истифода дода шуд
Донишҷӯёни Донишгоҳи байналмилалии сайёҳӣ ва соҳибкории Тоҷикистон дар Олимпиадаи байналмилалӣ оид ба бехатарии молиявӣ иштирок намуданд
Ба муассисаҳои таҳсилоти миёнаи умумии Тоҷикистон зиёда аз 842 ҳазор китоби дарсии «Забони русӣ» ворид гардид
АЗ ВОДИИ РАШТ ТО ИСКАНДАРКӮЛ. Хатсайрҳои сайёҳии дохилӣ ба минтақаҳои сайёҳии Тоҷикистон анҷом ёфтанд
Дар Донишгоҳи давлатии Хоруғ ду маркази муосири таълимӣ ба истифода дода шуд
«БАРНОМАИ РУШДИ САЙЁҲИИ ДОХИЛӢ». Дар Тоҷикистон беш аз 400 захираи сайёҳӣ, 1000 дара, 1000 кӯл ва мавзеъҳои дигари ҷолиб мавҷуд аст
Дар Донишгоҳи давлатии Кӯлоб бахшида ба Рӯзи омӯзгорон ва Рӯзи забони давлатӣ ҳамоиши илмӣ–маърифатӣ доир шуд
Пешвои миллат: «Бе донистани забони адабии тоҷикӣ омӯхтани забонҳои хориҷӣ номумкин аст»
Дар Душанбе доир ба саҳми Пешвои миллат дар рушди забони тоҷикӣ ҳамоиш баргузор шуд
«ЗЕҲНИ СУНЪӢ–ЭЪТИМОД, АМНИЯТ ВА РУШД». Дар Донишгоҳи технологии Тоҷикистон конфронси байналмилалӣ доир шуд
«ЗАБОНИ МИЛЛАТ-ҲАСТИИ МИЛЛАТ». Дар Донишкадаи омӯзгории Тоҷикистон дар Рашт ҳамоиши илмӣ доир гардид
ВОДИИ ЯҒНОБ- ОСОРХОНАИ ЗИНДАИ ЭТНОГРАФӢ. Ин мавзеъ таваҷҷуҳи сайёҳонро зиёдтар ҷалб менамояд
