«ҶАВОНОН-МУҲАРРИКИ РУШДИ СОҲИБКОРИИ ИННОВАТСИОНӢ». Дар Душанбе Форуми миллии соҳибкорӣ баргузор мешавад

ДУШАНБЕ, 12.05.2023. /АМИТ «Ховар»/.  15 май, соати 15:00 дар  Донишгоҳи миллии Тоҷикистон таҳти унвони «Ҷавонон — муҳаррики рушди соҳибкории инноватсионӣ»  Форуми миллии соҳибкорӣ баргузор мегардад, хабар доданд ба АМИТ «Ховар» дар Кумитаи кор бо ҷавонон ва варзиши назди Ҳукумати Ҷумҳурии Тоҷикистон.

Форуми мазкур аз ҷониби Корхонаи воҳиди давлатии «Маркази рушди зеҳнӣ ва иқтисодии ҷавонон»-и Кумитаи кор бо ҷавонон ва варзиш дар доираи Нақшаи чорабиниҳо бахшида ба Моҳвораи ҷавонон ва Рӯзи ҷавонони Тоҷикистон (23 май) бо иштироки соҳибкорони муваффақ доир мегардад.

Ҳадафи форуми мазкур- ҷалби ҷавонон ба фаъолияти соҳибкорӣ, омӯзиши таҷрибаи пешқадам ва мусоидат дар рушди фаъолияти соҳибкорӣ буда, барои ба роҳ мондани стратегияҳои иловагӣ дар самти таъсиси ҷойи кор дар байни ҷавонон мусоидат менамояд.

АКС: Кумитаи кор   бо ҷавонон ва варзиши назди Ҳукумати Ҷумҳурии Тоҷикисто