Дар Донишгоҳи техникии Тоҷикистон вобаста ба истифодаи оқилонаи захираҳои обӣ конференсия баргузор шуд

Май 22, 2023 18:59

ДУШАНБЕ, 22.05.2023 /АМИТ «Ховар»/. 20 май дар Донишгоҳи техникии Тоҷикистон ба номи академик М.С. Осимӣ дар мавзуи «Истифодаи оқилонаи захираҳои обӣ: маърифати экологӣ ва таъмини сифати об» бахшида ба Даҳсолаи байналмилалии амал «Об барои рушди устувор, солҳои 2018-2028» ва қабул гардидани ташаббусҳои Президенти Ҷумҳурии Тоҷикистон муҳтарам Эмомалӣ Раҳмон вобаста ба масъалаҳои обу иқлим дар арсаи ҷаҳон конференсияи ҷумҳуриявии илмӣ-амалӣ гузаронида шуд. Дар ин хусус ба АМИТ «Ховар» дар ин донишгоҳ хабар доданд.

Конференсия дар се марҳила: ҷаласаи пленарӣ, намоиши дастовардҳои донишҷӯёну устодон ва унвонҷӯёни донишгоҳ доир гардид.

Дар конференсия меҳмонон аз мақомоти марбутаи давлатӣ, устодону кормандон ва унвонҷӯёну донишҷӯён фаъолона иштирок намуда, натиҷаи корҳои илмӣ-тадқиқотии худро мавриди баррасӣ қарор доданд.

Мояи ифтихор аст, ки 14 декабри соли 2022 аз ҷониби Маҷмаи Умумии Созмони Милали Муттаҳид ташаббуси навбатии Президенти Ҷумҳурии Тоҷикистон муҳтарам Эмомалӣ Раҳмон доир ба эълон намудани соли 2025 Соли байналмилалии ҳифзи пиряхҳо ва 21 май Рӯзи байналмилалии пиряхҳо пазируфта шуд.

Бояд гуфт, ки дар Донишгоҳи техникии Тоҷикистон ба номи академик М.С. Осимӣ вобаста ба масъалаҳои обу иқлим нақшаи чорабиниҳои илмӣ-амалӣ таҳия ва тасдиқ гардидаст, ки мувофиқи он машваратҳои илмӣ, олимпиадаҳо, ҳамоиш ва конференсияҳои байналмилаливу ҷумҳуриявӣ ба роҳ монда мешавад.

АКС: Донишгоҳи техникии Тоҷикистон ба номи академик М.С. Осимӣ

Май 22, 2023 18:59

Хабарҳои дигари ин бахш

Дар Тоҷикистон то соли 2027 фарогирии кӯдакон ба таҳсили томактабӣ ба 33 фоиз расонида мешавад
Бо мақсади таъмин намудани рушди минбаъдаи муассисаҳои таҳсилоти ибтидоӣ ва миёнаи касбӣ 300 миллион сомонӣ ҷудо карда мешавад
Академияи сайёҳии Донишгоҳи байналмилалии сайёҳӣ ва соҳибкории Тоҷикистон таъсис дода мешавад
Дастаи Донишгоҳи техникии Тоҷикистон дар Чемпионати ҷаҳонии касбӣ сазовори ҷойи якум гардид
Зиёда аз 36 ҳазор хонандагони синфҳои ибтидоии Тоҷикистон бо хӯроки гарм таъмин мегарданд
Дар Тоҷикистон Барномаи давлатии омода намудани кадрҳои омӯзгорӣ таҳия карда мешавад
Омӯзгорону хонандагони шаҳри Роғун суханронии Президенти Тоҷикистонро ба муносибати Рӯзи дониш якҷоя тамошо намуданд
Эмомалӣ Раҳмон: «Дар 34 соли соҳибистиқлолӣ ба соҳаи маориф 73,6 миллиард сомонӣ маблағгузорӣ гардидааст»
ДОНИШ — ПОЯИ МУҲИМТАРИНИ РУШДИ ДАВЛАТ ВА МИЛЛАТ. Эҳдо ба Рӯзи дониш
Санадҳои ниҳоии Конфронси байналмилалии сатҳи баланд оид ба ҳифзи пиряхҳо интишор гардиданд
Бо ташаббуси Тоҷикистон Қатъномаи нави СММ оид ба ҳамкорӣ бо ИДМ қабул гардид
Дар назди 20 муассисаи таълимӣ биноҳои иловагӣ бо озмоишгоҳҳои замонавӣ сохта мешаванд