Дар Душанбе масъалаи таҳкими равобит байни Тоҷикистону Белгия дар соҳаи илму таълим баррасӣ карда шуд
ДУШАНБЕ, 09.05.2023 /АМИТ «Ховар»/. Дар Донишгоҳи миллии Тоҷикистон бо Сафири Фавқулода ва Мухтори Шоҳигарии Белгия дар Ҷумҳурии Тоҷикистон Анри Вантигем мулоқот доир гардид. Дар ин хусус ба АМИТ «Ховар» дар Донишгоҳи миллии Тоҷикистон хабар доданд.
Зимни мулоқот масъалаи таҳкими равобит дар соҳаи илму таълим баррасӣ гардид.
Ректори донишгоҳ, профессор Қобилҷон Хушвахтзода доир ба вазъи илму таълими донишгоҳ ва робитаи он бо донишгоҳҳои хориҷи мамлакат сухан гуфта, дар самти густариш бахшидани ҳамкорӣ дар заминаи донишгоҳҳои Шоҳигарии Белгия пешниҳодҳои судманд намуд.
Ҳамзамон вохӯрии сафири Белгия Анри Вантигем бо омӯзгорону донишҷӯёни донишгоҳ баргузор гардид, ки зимни он ректори донишгоҳ иттилоъ дод, ки муносибатҳои дипломатӣ байни Ҷумҳурии Тоҷикистон ва Шоҳигарии Белгия 29 апрели соли 1992 барқарор шудаанд.
Гуфта шуд, ки муносибатҳои дипломатӣ бо Шоҳигарии Белгия ба сифати яке аз давлатҳои поягузори Иттиҳоди Аврупо дар ҳоли рушд қарор дорад.
Анри Вантигем, дар навбати худ, оид ба мавзуи мавқеъ ва таъсири бетарафӣ дар ҷаҳони муосир, инчунин, таърих ва сиёсати пешгирифтаи Шоҳигарии Белгия суханронӣ намуд.
Дар идомаи вохӯрӣ роҷеъ ба масъалаҳои гуногуни робитаҳо саволу ҷавоб анҷом дода шуд.
АКС: Донишгоҳи миллии Тоҷикистон
Хонандагони фаъоли пойтахт дар истироҳатгоҳи тобистонаи беруназшаҳрии «Шарора» таътили босамар мегузаронанд
35-СОЛАГИИ ИСТИҚЛОЛИ ДАВЛАТӢ. Дар ноҳияи Хуросон сохтмони иншооти соҳаи маориф вусъати тоза гирифтааст
Маркази миллии тестӣ гурӯҳи ихтисосҳои серинтихобро номбар намуд
Дар Донишкадаи кӯҳию металлургии Тоҷикистон 27 ихтисоси нав дар соҳаи технология ва металлургияи металлҳои сиёҳ ташкил мешавад
Қабули ҳуҷҷатҳо барои иштирок дар Стипендияи байналмилалии Президенти Тоҷикистон «Дурахшандагон» оғоз ёфт
НИШАСТИ МАТБУОТӢ. Имсол дар нақшаи қабул ба муассисаҳои таҳсилоти олӣ ва миёнаи касбӣ 10 ҳазор ҷой зиёд ҷудо гардид
Дар Донишгоҳи давлатии Хоруғ Мактаби байналмилалии тобистона оид ба омӯзиши криосфера ба фаъолият оғоз намуд
«БЕҲТАРИНИ ОСИЁ – 2026». Навраси тоҷик сазовори ҷоизаи байналмилалӣ шуд
Моҳи ноябр доир ба саҳми Борбади Марвазӣ дар рушди мусиқӣ конфронси байналмилалӣ баргузор мегардад
Ҳамкории Донишгоҳи байналмилалии сайёҳӣ ва соҳибкории Тоҷикистон бо муассисаҳои пешрафтаи Чину Ҷопон тақвият меёбад
Дар Донишгоҳи давлатии молия ва иқтисоди Тоҷикистон 140 донишҷӯи хориҷӣ таҳсил мекунад
Дар Тоҷикистон барои хонандагони синфи якум давраи мутобиқшавӣ гузаронида мешавад
