Дар Осорхонаи миллии Тоҷикистон толори намоишии аҳди давлатдории Сосониён ва Ҳайтолиён таҷдид гардид
ДУШАНБЕ, 13.05.2023 /АМИТ «Ховар»/. Дар остонаи таҷлили Рӯзи байналмилалии осорхонаҳо (18 май) яке аз толорҳои намоишии Осорхонаи миллии Тоҷикистон, ки ба давлатдории Сосониён ва Ҳайтолиён бахшида шудааст, таҷдид гардид. Дар ин хусус сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев ба АМИТ «Ховар» иттилоъ дод.
Дар толори намоишии аҳди давлатдории сулолаи Сосониён ва Ҳайтолиён бозёфтҳои гуногун ба маъраз гузошта шудааст, ки аз рушду ташаккули фарҳангу тамаддун ва ҳунарҳои гуногуни ин даврон башорат медиҳад.
Толор пурра аз сари нав рангубор гардида, бозёфтҳо ва нигораҳои таърихӣ бо тарҳ ва дизайни нав ба маъраз гузошта шудаанд.
Ҳамзамон ба ҳолати равшанидиҳии толор таваҷҷуҳи махсус зоҳир гардида, амсилаи ёдгории Кофирқалъа бо чароғҳои нуқтавӣ равшан гардонида шуд.
Таҷдиди толор ба табъу завқи бинандагон таассуроти тоза хоҳад бахшид.
АКС: Осорхонаи миллии Тоҷикистон
Дар Тоҷикистон филми бо истифодаи зеҳни сунъӣ офаридаи коргардони тоҷик соҳиби ҷоизаи миллӣ шуд
«ТОҶИКИСТОН—КИШВАРИ ЁДГОРИҲОИ НОДИР». Ёдгориҳои таърихӣ ва мероси фарҳангии тоҷикон дар шаҳри Рим муаррифӣ гардиданд
Шералӣ Хоҷазода: «Намоиши осори бостонии тоҷикон дар Осорхонаи тамаддунҳои Рим эътирофи миллат дар арсаи байналмилалӣ аст»
«ЧОДАРИ ХАЁЛ». Дар Душанбе Ҷашнвораи ҳаштуми байналмилалии театрҳои лӯхтак оғоз мегардад
«ТОҶИКИСТОН-КИШВАРИ ЁДГОРИҲОИ НОДИР». Дар Рим ёдгориҳои нодири таърихию фарҳангии Тоҷикистон ба маърази тамошо гузошта мешаванд
«Шоҳҷоиза»-и сеюмин Синамоҷоизаи миллии «Тоҷи Сомон» ба филми «Дурахши ахтарон: Ҷомӣ ва Навоӣ» тақдим гардид
Ҷаласаи Шурои директорони киностудияҳои кишварҳои аъзои ИДМ доир шуд
Имрӯз даври чоруми Озмуни ҷумҳуриявии «Илм — фурӯғи маърифат» оғоз мегардад
Радиои «Ҳисори Шодмон» расман ба фаъолият шуруъ намуд
Дилрабо Мансурӣ бо ҷараёни баргузории даври ниҳоии Озмуни ҷумҳуриявии «Тоҷикистон-Ватани азизи ман» шинос шуд
Дар Осорхонаи миллии Тоҷикистон толори Сомониён пас аз навсозӣ ифтитоҳ гардид
РӮЗҲОИ СИНАМОИ ҚИРҒИЗИСТОН. Дар кинотеатри «Наврӯз»-и Душанбе се филми қирғизӣ ба намоиш гузошта мешавад
