Маҳфили омӯзишии «Пайравони Пешвои миллат» ҷамъбаст гардид

ДУШАНБЕ, 27.05.2023 /АМИТ «Ховар»/. Дирӯз дар доираи моҳвораи ҷавонон бахшида ба Рӯзи ҷавонони Тоҷикистон дар бинои Кумитаи миллии олимпии Тоҷикистон маросими ҷамбасти маҳфили омӯзишии «Пайравони Пешвои миллат» баргузор гардид, хабар медиҳад АМИТ «Ховар» бо истинод ба Кумита.

Дар маросими ҷамъбаст  раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, раиси Ташкилоти ҷамъиятии «Пайравони Пешвои миллат» Абдулло Раҳмонзода иштирок намуда, ба хатмкунандагон шаҳодатномаи хатми маҳфили  мазкурро  тақдим намуд.

Бояд гуфт, ки мақсад аз баргузории маҳфили омӯзишии «Пайравони Пешвои миллат»- ин, пеш аз ҳама,  баланд бардоштани донишҳои сиёсиву илмӣ ва ҳуқуқиву маънавии ҷавонон ба ҳисоб меравад. Зеро ҷавонон насли ояндасози миллат буда, бояд бо донишу маърифати баланд фаро гирифта шаванд.

АКС: Кумитаи кор бо ҷавонон ва варзиши назди Ҳукумати Ҷумҳурии Тоҷикистон