Рассоми чинӣ Сан Чао Тен расми Президенти Тоҷикистонро бо санъати баланд тасвир намудааст
ДУШАНБЕ, 23.05.2023 /АМИТ «Ховар»/. Дар ҷараёни сафари давлатии Президенти Ҷумҳурии Тоҷикистон муҳтарам Эмомалӣ Раҳмон ба Чин, ки аз 16 то 19 май идома ёфт, рассоми чинӣ Сан Чао Тен ба Пешвои миллат асари офаридаашро, ки дар он Президенти Тоҷикистонро тасвир кардааст, туҳфа намуд. Асари мазкур аз ҷониби Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Муассисаи давлатии «Осорхонаи миллӣ» эҳдо гардид, иттилоъ дод сардори шуъбаи экскурсионӣ ва оммавии Осорхонаи миллии Тоҷикистон Фаридун Кенҷаев дар суҳбат ба хабарнигори АМИТ «Ховар».
Тавре манбаъ иттилоъ дод, ин мусаввара дар яке аз толорҳои бузурги шуъбаи санъати тасвирӣ ва амалии Осорхонаи миллӣ ба тамошо гузошта шуда, минбаъд низ аз ҷониби мутахассисон дар сатҳи зарурӣ ҳифз ва ба таври касбӣ муаррифӣ карда мешавад.
Рассоми чинӣ дар асари худ Президенти Ҷумҳурии Тоҷикистонро бо либоси расмӣ ва дар сари мизи корӣ тасвир намудааст. Дар пасманзари асар курсии бо зарҳал ороишёфта, Парчами давлатии Ҷумҳурии Тоҷикистон, дарахти сабз ва нақшу нигори рӯи девор бо тамоми ҷузъиёти нозуконаашон хеле зебо тасвир гардидаанд.
Мавриди тазаккур аст, ки дар санъати рассомӣ тасвир намудани инсон, махсусан чеҳра кори хеле мушкил буда, қобилияти баланди зеҳнӣ, мушоҳидакорӣ ва завқи эстетикӣ талаб менамояд. Зимнан аз ҷониби рассом донистану ба инобат гирифтан ва кашидани ҳар ҷузъиёти он зарур мебошад.
Рассом Сан Чао Тен ин асари худро дар сатҳи хеле баланд офарида, ба ин восита диққати тамошобинро ба нақши асосии мусаввара ҷалб менамояд. Зеро мусаввир Пешвои миллатро ҳамчун сиёсатмадори созанда ва башардӯсте тасвир намудааст, ки дар арсаи байналмилалӣ эътироф гардидааст.
Ёдовар мешавем, ки Раиси Ҷумҳурии Мардумии Чин муҳтарам Си Ҷинпин дар суханронии ҷамъбастии худ дар Саммити якуми «Чин — Осиёи Марказӣ» дар шаҳри Сиан ба Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон муроҷиат намуда, гуфт, ки «Шумо, Ҷаноби Президент, миёни мо, Сарони давлатҳо аз ҳама сиёсатмадори пуртаҷриба ба шумор меравед, ки дар саргаҳи таъсиси давлатдории навини тоҷикон ва дар таъсиси Созмони ҳамкории Шанхай истода будед. Шумо хеле сиёсатмадори хирадманд, пуртаҷриба ва дурбин ҳастед ва дар рушди муносибатҳои дуҷониба нақши муҳим мебозед. Пешниҳод ва андешаҳои Шумо барои мо ниҳоят муҳим мебошад».
АКС: Осорхонаи миллии Тоҷикистон
Озмуни «Шоҳномахонӣ» рӯйдоди муҳими фарҳангию маърифатӣ аст
1050-СОЛАГИИ РОБИАИ БАЛХӢ. Ӯ нахустин зани соҳибдевони тоҷик аст
РУШДИ ҲУНАРҲОИ МАРДУМӢ. Сӯзании Панҷакент рамзи фарҳанги миллӣ ва пешрафти ҳунарҳои дастии занони тоҷик аст
Моҳи октябр дар Тоҷикистон Озмуни ҷумҳуриявии «Донандаи беҳтарини асарҳои Пешвои миллат» доир мегардад
Дар муассисаҳои илмӣ-таҳқиқотӣ 18 озмоишгоҳ таъмир ва бо таҷҳизоти замонавӣ муҷаҳҳаз карда шуд
ФАРҲАНГ — ҲАСТИИ МИЛЛАТ. Дар Душанбе аҳли фарҳангу ҳунар қадрдонӣ гардиданд
«МАН АВВАЛ ТОҶИКАМ, БАЪД МУСАЛМОН!». Миллатдӯстӣ шарти асосии муқовимат ба таҳдидҳои мафкуравӣ аст
Дар Душанбе Фестивал-озмуни «Як матову сад ранг» ва намоиш-фурӯши маҳсулоти чакан, нақшдӯзӣ ва зардӯзӣ доир мешавад
«ШОҲНОМАХОНӢ». Дар Суғд барои даври сеюми озмуни ҷумҳуриявӣ беш аз 400 ҳазор сомонӣ ҷудо гардид
«ШОҲНОМАХОНӢ». Дар Хатлон барои ғолибони даври сеюми озмуни ҷумҳуриявӣ беш аз 200 ҳазор сомонӣ ҷудо гардид
«САЙРИ ГУЛИ ЛОЛА». Моҳи апрел дар Тоҷикистон Фестивали гулҳо баргузор мегардад
Таҳкими худшиносии ҷавонон тавассути тарғиби фарҳангу тамаддун ва таърихи пурғановати миллӣ амали омӯзанда аст
