Созмони умумиҷаҳонии тандурустӣ эълон дошт, ки аз COVID-19 дар ҷаҳон қариб 20 млн нафар фавтидааст
ДУШАНБЕ, 07.05.2023 /АМИТ «Ховар»/. Қариб 20 млн нафар аз COVID-19 дар ҷаҳон фавтид, гарчанде ки ба Созмони умумиҷаҳонии тандурустӣ (СУТ) дар бораи марги қариб 7 миллион нафар маълумот расидааст. Дар ин хусус рӯзи ҷумъа зимни нишасти матбуотӣ дар Женева директори генералии СУТ Тедрос Аданом Гебрейесус изҳор дошт, хабар медиҳад АМИТ «Ховар» бо истинод ба ТАСС.
«Ба СУТ маълумот оид ба марги 7 млн нафар ворид шуд, вале мо медонем, ки ин шумора чандин маротиба бештар аст- қариб 20 млн аст»,-иброз дошт ӯ.
Директори генералӣ таваҷҷуҳро ба коҳиши фавт аз ковид, ки тӯли беш аз як сол мушоҳида мешавад, ҷалб намуд. Дар робита ба ин ӯ рӯзи ҷумъа дар асоси тавсияи Кумитаи коршиносони СУТ анҷоми ҳолати фавқулодаи ҷаҳонии тандурустиро вобаста ба коронавируси SARS-CoV-2-ро эълон кард.
Тибқи маълумоти СУТ то 3 май, дар ҷаҳон 765 222 932 ҳолати сироятёбӣ аз коронавирус ба қайд гирифта шуда, 6 921 614 нафар фавтидааст. Ҳолати фавқулода дар соҳаи тандурустии ҷаҳонӣ дар робита ба бемории ковид аз январи соли 2020 амал мекард. Он дар асоси тавсияи Кумитаи коршиносони СУТ оид ба ҳолатҳои фавқулода, ки ҳар се моҳ дар ҷаласаҳои худ ҷамъ меомаданд, борҳо тамдид карда шуд. Ҷаласаи охирини 15-ум 4 май барпо гардид.
Шаҳлои САДРИДДИН,
АМИТ «Ховар»
АКС аз манбаъҳои боз
Дар Душанбе доир ба Паёми Президенти Ҷумҳурии Тоҷикистон Эмомалӣ Раҳмон ба Маҷлиси Олӣ ҳамоиш баргузор шуд
Имрӯз дар баъзе ноҳияҳои Тоҷикистон бориши борону барф дар назар аст
«ОЛИҲАИ МЕҲР». Маҷмуа ба мақоми занони фаъоли тоҷик дар рушди ҷомеа бахшида шудааст
«Анор» сокинони Душанберо хушҳол намуд
Дар вилояти Суғд бо собиқадорони меҳнат вохӯрӣ баргузор шуд
ДАРАХТ БИШНОН! Дар шоҳроҳи Душанбе — Варзоб беш аз 500 бех ниҳоли санавбар шинонида шуд
Имрӯз дар ноҳияҳои кӯҳии Тоҷикистон барф меборад
Дар академияи зимистонаи «Ҳаво» масъалаҳои мутобиқшавӣ ба тағйирёбии иқлим баррасӣ шуданд
Дар шаҳри Ҳисор ба маъюбон аробачаи маъюбӣ дастрас карда шуд
Дар Душанбе дастовардҳои рушди соҳибкорӣ ва сармоягузорӣ баррасӣ гардиданд
Имрӯз дар Душанбе борон пешгӯӣ мешавад
Вобаста ба хатари терроризм ба низоми давлатдории муосир дар Вазорати мудофиаи Тоҷикистон ҳамоиш доир шуд
