Президенти Ҷумҳурии Тоҷикистон Эмомалӣ Раҳмон ба Сарвазири Ҷумҳурии Ҳиндустон Нарендра Моди барқияи изҳори тасаллӣ ирсол намуданд

Имрӯз Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Сарвазири Ҷумҳурии Ҳиндустон муҳтарам Нарендра Моди барқияи изҳори тасаллӣ ирсол намуданд, ки дар он омадааст:

«Ҷаноби Олӣ,

Хабари ҳузнангези ба ҳалокат расидан ва ҷароҳат бардоштани шумораи зиёди мардум бар асари садамаи қатораҳои роҳи оҳан дар штати Одишаи Ҷумҳурии Ҳиндустон боиси андӯҳи амиқи мо гардид.

Дар робита ба ин ҳодисаи фоҷеабор ҳамдардиву таслияти самимии ин ҷонибро ба Шумо, пайвандону наздикони фавтидагон ва мардуми дӯсти Ҳиндустон изҳор намуда, ба ҳамаи осебдидагон шифои комил мехоҳам».