БА ИСТИҚБОЛИ 32-СОЛАГИИ ИСТИҚЛОЛИЯТИ ДАВЛАТӢ. Дар маркази ноҳияи Муъминобод сохтмони бинои Коллеҷи тиббӣ идома дорад
ДУШАНБЕ, 24.08.2023 /АМИТ «Ховар»/. Бо мақсади дар сатҳи баланд пешвоз гирифтани 32-солагии Истиқлолияти давлатии Тоҷикистон дар ноҳияи Муъминобод сохтмон ва навсозии иншооти муассисаҳои таълимӣ, варзишӣ, коргоҳу корхонаҳои истеҳсолӣ, сангфарш ва мумфаршкунии роҳҳои маҳаллӣ идома дорад.
Тавре ба АМИТ «Ховар» директори Корхонаи воҳиди давлатии «Лоиҳакаш» — и ноҳия Давлатмурод Мирзоев изҳор дошт, омодагиҳо ба ҷашни 32 – солагии Истиқлолияти давлатӣ дар ноҳияи Муъминобод дар сатҳи зарурӣ ба роҳ монда шуда, алҳол сохтмони бинои Коллеҷи тиббӣ дар маркази ноҳия идома дорад. Бино аз се ошёна иборат буда, аллакай корҳои рангу бори деворҳои берунӣ ба итмом расидааст. Инчунин дар деҳаи Шулдуқ Муассисаи таҳсилоти миёнаи умумии №10 барои 240 ҷойи нишаст, сохтмони МТМУ №12 – и деҳаи Деҳибаланд барои 360 хонанда дар як баст ва бинои Маркази ҷавонон дар маркази ноҳия сохта шуда, дар назар аст, ки дар арафаи ҷашни Истиқлолияти давлатии Ҷумҳурии Тоҷикистон мавриди истифода қарор гиранд.
Ҳамчунин бо дастгирии соҳибкорон ва Мақомоти иҷроияи ҳокимияти давлатии ноҳия роҳи Муъминобод – Ғеш – Чилдухтарон ба масофаи 8 километру 200 метр ва роҳи деҳаи Ҳанатарош ба масофаи 2 км пурра асфалтпӯш гардидааст.
Чунин ободкорию созандагӣ дар арафаи 32-солагии Истиқлолияти давлатии Ҷумҳурии Тоҷикистон дар Муассисаи томактабии №1-и ноҳия низ ба мушоҳида мерасад. Бо талошу заҳматҳои шабонарӯзии директори он Оламбӣ Латифова кӯдакистон ба макони зебо табдил ёфтааст. Ҳар нафаре, ки ба ин даргоҳи илм ворид мешавад, бо дидани гулҳои рангоранги назди ҳавлии муассиса дар ҳайрат мемонад. Боғча дорои мизу курсиҳои замонавӣ буда, девори синфхонаҳои он бо нақшу нигори зебои кӯдакона оро дода шудааст. Муассиса пурра таъмир гардида, дорои беҳтарин шароити таълиму тарбия мебошад.
Тибқи маълумот, ҳоло дар кӯдакистон 7 гурӯҳи кӯдакон бо теъдоди 160 нафар ба тарбия фаро гирифта шудаанд, ки ба онҳо 8 мураббияи соҳибтахассус таълим медиҳанд.
«Кормандони Муассисаи томактабии №1-и ноҳияи Муъминобод дар оянда низ кӯшиш ба харҷ медиҳанд, ки кӯдаконро дар руҳияи ватандӯстию хештаншиносӣ тарбия намоянд»,- гуфт мудири кӯдакистон Оламбӣ Латифова.
АКС: Мақомоти иҷроияи ҳокимияти давлатии ноҳияи Муъминобод
Дар ноҳияи Бобоҷон Ғафуров бунгоҳи тиббӣ, муассисаи таълимӣ ва маркази ташхисӣ ба истифода дода шуданд
Ҳайати Тоҷикистон дар ҷаласаи Шурои роҳбарони мақомоти муҳоҷиратии давлатҳои аъзои ИДМ иштирок намуд
Дар ноҳияи Спитамен иншооти таъйиноти гуногун мавриди истифода қарор дода шуданд
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Дар солҳои соҳибистиқлолӣ дар шаҳру ноҳияҳои Суғд 986 муассисаи таълимӣ ба истифода дода шуд
Дар вилояти Суғд лоиҳаҳои бузург дар соҳаи роҳу нақлиёт амалӣ гардиданд
Бо саҳми соҳибкорон ва шахсони саховатпеша дар Суғд 5 ҳазору 500 километр роҳҳои маҳаллӣ таъмиру навсозӣ карда шуданд
Китоби академик Фарҳод Раҳимӣ «Тамаддуни ориёӣ ва рисолати таърихии миллати тоҷик» нашр шуд
Ба татбиқи барномаҳои иҷтимоию иқтисодии вилояти Суғд зиёда аз 40 миллиард сомонӣ равона гардид
Дар даврони соҳибистиқлолӣ дар вилояти Суғд 152 иншооти фарҳанг бунёд ва таъмиру таҷдид гардидааст
