ГАРМШАВИИ ГЛОБАЛӢ: Олимон аз гармшавии якбораи уқёнуси ҷаҳонӣ нигарон ҳастанд

ДУШАНБЕ, 06.08.2023 /АМИТ «Ховар»/. Хабарҳо дар бораи он ки моҳи июли соли 2023 гармтарин дар таърих шуд, на олимон, балки ҷомеаро ба ташвиш овард. Қаъри баҳр қариб ҳар рӯз хабари ташвишоваре берун менамояд. Тавре АМИТ «Ховар» иттилоъ медиҳад,  дар ин хусус АБИ «Казинформ» бо истинод ба BBC хабар додааст.

Ду сабаби ғайримуқаррарӣ будани моҳи июл маълум аст: гармшавии глобалӣ аз тарафи инсон ва зиёд шудани иқтидори тундбоди Ал – Нино, як падидаи гармшавӣ дар сатҳи уқёнуси Ором.

Аммо ду мушоҳидаи моҳи июл олимонро ба ташвиш меорад, зеро онҳо ба таври имконпазир ба суръати гармшавӣ ишора мекунанд ва пешгӯиҳои ҳозира, яъне мувофиқати нақшаҳои эълоншуда барои сабук кардани сабабҳо ва оқибатҳои офатҳои табииро зери шубҳа мегузоранд.

Тибқи маълумоти NASA, тамоми даҳсолаи охир ҳарорати об дар тӯли 200 сол рекордӣ буд ва соли 2022 дар таърихи тамоми мушоҳидаҳо гармтарин буд.

Барои он ки гармшавӣ боз дошта шавад, ҷаҳон ба мувофиқа расид, ки партовҳои газҳои гулхонаиро коҳиш диҳад. Аммо ҳатто агар онҳоро фавран безарар гардонед ҳам, он чизе, ки дар атмосфера ҷамъ шудааст, кифоя аст, ки оқибатҳояш дар тӯли якчанд садсолаҳо эҳсос шавад, пеш аз ҳама, ин ба ҳарорат ва сатҳи уқёнус, инчунин майдони қабати ях дахл дорад.

   Азиза ИКРОМ,
АМИТ «Ховар»

АКС аз манбаъҳои боз