«Сомон Эйр» парвозҳоро дар масири Душанбе-Алмато-Душанбе зиёд ва ба фурудгоҳи Жуковскийи Москва барқарор менамояд
ДУШАНБЕ, 08.08.2023 /АМИТ «Ховар»/. Ширкати ҳавопаймоии «Сомон Эйр» парвозҳоро дар масири Душанбе — Москва (фурудгоҳи Жуковский) – Душанбе шуруъ аз 15 август барқарор менамояд. Дар ин хусус ба АМИТ «Ховар» дар ширкати ҳавопаймоии «Сомон Эйр» иттилоъ доданд.
Парвозҳо аз Фурудгоҳи байналмилалии Душанбе ба фурудгоҳи Жуковский ҳафтае як маротиба- рӯзҳои сешанбе ва аз Жуковский ба Душанбе рӯзҳои чоршанбе иҷро мешаванд. Вақти парвоз аз Душанбе соати 22:20, аз фурудгоҳи Жуковский 02:00 (шаби чоршанбе) ба вақти маҳаллӣ мебошад. Интизор меравад, ки ояндаи наздик парвозҳо дар як ҳафта ду маротиба ба роҳ монда шаванд.
Инчунин ширкати ҳавопаймоӣ шумораи парвозҳоро аз Душанбе ба Алмато ва аз Хуҷанд ба фурудгоҳи Домодедовои Москва афзоиш медиҳад.
Аз 17 август парвозҳо аз Хуҷанд ба Домодедово ва бозгашт ҳафтае ду маротиба — рӯзҳои душанбе ва панҷшанбе анҷом дода мешаванд. Аз 19 август парвозҳо дар масири Душанбе – Алмато – Душанбе рӯзҳои чоршанбе ва шанбе анҷом меёбанд. Вақти парвоз аз Душанбе соати 12:00, аз Алмато соати 16:00 муқаррар шудааст.
АКС аз манбаъҳои боз
Дар соҳили дарёҳои шаҳри Ваҳдат корҳои соҳилмустаҳкамкунӣ ҷараён доранд
РУШДИ САЙЁҲӢ. Дар Суғд шумораи сайёҳони дохилӣ ва хориҷӣ афзоиш ёфта, инфрасохтори соҳа тақвият меёбад
Дар Вашингтон имкони роҳандозии парвозҳои мустақим байни Тоҷикистон ва ИМА баррасӣ гардид
Дар шаҳри Вашингтон мизи мудаввари сатҳи баланди соҳибкорӣ байни Ҷумҳурии Тоҷикистон ва Иёлоти Муттаҳидаи Амрико баргузор гардид
Дар шаҳри Даҳва ҷалби маблағгузории Қатарӣ барои татбиқи лоиҳаҳои афзалиятноки Тоҷикистон баррасӣ шуд
Дар Кумитаи ҳифзи муҳити зист Рӯзи Конститутсияи Тоҷикистонро бо тантана ҷашн гирифтанд
Кишоварзони вилояти Хатлон нақшаи ҷамъоварии ҳосили пахтаро пурра иҷро намуданд
Шурои машваратии Комиссияи байнидавлатӣ оид ба рушди устувори Фонди байналмилалии наҷоти Арал баргузор гардид
Ҳаҷми маблағгузории иқлимӣ барои кишварҳои дар ҳоли рушд ҷиҳати татбиқи 22 лоиҳа тасдиқ гардид
Дар Суғд ба 60 нафар занони ҳунарманд гранти Раиси вилоят супорида шуд
Тоҷикистон ва Қатар роҳҳои густариши ҳамкорӣ дар соҳаи авиатсияи гражданиро баррасӣ карданд
Дар Тоҷикистон тайи ду даҳсолаи охир беш аз чор миллион ҷойи кор таъсис ва барқарор гардидааст
