Дар Ҳиндустон моҳи августи соли равон шуруъ аз соли 1901 хушктарин гардид
ДУШАНБЕ, 01.09.2023 /АМИТ «Ховар»/. Моҳи августи соли 2023 дар таърихи мушоҳидаҳои обуҳавошиносӣ дар Ҳиндустон, шуруъ аз соли 1901 хушктарин буд, иттилоъ медиҳад рӯзномаи «The Times of India».
Тибқи маълумоти Агентии обуҳавошиносии Ҳиндустон, норасоии бориш дар моҳи август метавонад беш аз 33% — ро ташкил диҳад. Ҳамин тавр, ду рӯз қабл аз охири моҳ бориши дар саросари кишвар ба амал омада 160,3 мм дар муқоиса бо меъёри 241 мм-ро ташкил дод.
Дар робита ба ин таҳдиди ба охир расидани мавсими муссонҳо (июн -сентябр) бо миқдори нокифояи бориш нигоҳ дошта мешавад.
Олимон бориши нобаробарро дар қисмати зиёди Ҳиндустон имсол ба тағйирёбии глобалии иқлим, таъсири падидаи «Эл-Нино» ва коҳиши тӯфонҳо дар халиҷи Бенгал, ки одатан дар фасли тобистон миқдори зиёди боронро ба бор меоранд, рабт медиҳанд.
Азиза ИКРОМӢ,
АМИТ «Ховар»
АКС аз манбаъҳои боз
Имрӯз дар шаҳри Душанбе ҳаво то 40 дараҷа гарм мешавад
Имрӯз дар Суди Олӣ, вазоратҳои адлия, корҳои дохилӣ, Хадамоти гумрук ва Палатаи ҳисоб нишасти матбуотӣ доир мегардад
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Имрӯз дар шаҳри Душанбе ҳаво то 44 дараҷа гарм мешавад
Имрӯз дар водиҳои Тоҷикистон ҳаво то 43 дараҷа гарм мешавад
