Дар ноҳияи Данғара ҷаласаи Шурои кор бо духтарон доир гардид
ДУШАНБЕ, 16.09.2023. /АМИТ «Ховар»/. Агар як мард тарбияи дуруст бинад, як нафар босавод мешавад, вале агар як зан тарбияи дуруст бинад, пас як оила ва як ҷомеа босаводу ботарбия мешавад. Дар пайравӣ ба ин шиор дар муассисаи таҳсилоти миёнаи умумии №2-и ноҳияи Данғара ҷаласаи Шурои кор бо духтарон баргузор гардид. Дар ин хусус ба АМИТ «Ховар» дар Раёсати маорифи вилояти Хатлон хабар доданд.
Дар ҷаласаи Шурои духтарон намояндагони шуъбаи маорифи ноҳия иштирок намуда, фаъолтарин духтаронро бо Ифтихорнома қадрдонӣ намуданд.
Тазаккур дода шуд, ки дар Тоҷикистон хурду бузург заҳмату фидокориҳои занону модаронро қадр менамоянд, зеро занон имрӯз бо нангу номуси ватандорӣ дар соҳаҳои гуногун баробари мардон фаъолият доранд.
Иштирокчиёни Шуро иброз доштанд, ки баланд гардидани мақому манзалати занону духтарони тоҷик дар баробари дастгириҳои Ҳукумати мамлакат, махсусан Пешвои миллат муҳтарам Эмомалӣ Раҳмон ҳамчунин аз саҳми бисёр арзишмандашон дар пешрафти ҷомеа ва натиҷаи заҳмати софдилонаашон мебошад. Занону модарони мо ҳанӯз дар оғози даврони Истиқлолияти давлатӣ ба хотири ҳифзи ҳуқуқу озодиҳои худ ва ба эътидол овардани вазъи ҷумҳурӣ азму талош намуда, дар роҳи расидан ба сулҳу субот ва ваҳдати миллӣ саҳми намоён гузоштанд.
Ба ҳолати аввали моҳи марти соли 2023 аз шумораи умумии 87 ҳазору 217 нафар занон дар ноҳия 12 нафар хизматчии давлатӣ буда, 200 нафари онҳо имрӯз дар вазифаҳои роҳбарикунанда кор менамоянд. Саҳми занони фаъоли ноҳия дар тарбияи насли наврас ва ободонии диёр назаррас арзёбӣ мешавад.
Иттилоъ дода шуд, ки ҷаласаи Шурои кор бо духтарон ҳар моҳ дар муассисаҳои таълимӣ гузаронида мешавад.
АКС: Раёсати маорифи вилояти Хатлон
Ваҳдати миллӣ асоси татбиқи ҳадафҳои стратегӣ дар солҳои соҳибистиқлолӣ мебошад
Созишномаи умумии истиқрори сулҳ ва ризоияти миллӣ дар Тоҷикистон яке аз муҳимтарин дастовардҳои байналмилалӣ-ҳуқуқии охири асри XX ба ҳисоб меравад
Номи «пиряхи Ванҷях» ба «пиряхи Тоҷикистон» иваз карда шуд
Имрӯз дар баъзе ноҳияҳои кӯҳии Тоҷикистон борони кӯтоҳмуддат меборад
Дар Бохтар таҳти унвони «Номи неки қаҳрамонон ҷовидон мемонад» конференсияи илмӣ-амалӣ баргузор шуд
САҲМИ МАН ДАР ШАҲРИ МАН. Дар панҷ моҳи соли равон дар пойтахт 37 маротиба аксияи «Тозагии соҳил» ва 34 маротиба аксияи «Тозагии маҳал» доир гардид
Дар Испания шумораи рекордии фавт аз гармӣ ба қайд гирифта шуд
Сокини ноҳияи Ҷайҳун: «Усули кишти зери плёнка дар баробари сифати маҳсулот ҳосилнокиро низ зиёд мекунад»
Имрӯз дар шаҳри Душанбе ҳаво то 32 дараҷа гарм мешавад
Кишоварзони Тоҷикобод дар беш аз 2100 гектар картошка кишт менамоянд
Имрӯз дар баъзе минтақаҳои Тоҷикистон борони кӯтоҳмуддат меборад
