Аз ҷониби Ширкати саҳомии «Инновейтив Роуд Солюшнз ЛТД» таъмири роҳ 134 фоиз иҷро шуд

ДУШАНБЕ, 04.10.2023 /АМИТ «Ховар»/. Аз ҷониби роҳбарияти филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон дар намояндагии филиали ширкат дар минтақаи Зарафшон 57299,28 метри мураббаъ роҳ таъмир шуд, ки ба 134 фоиз баробар аст. Дар ин хусус ба АМИТ «Ховар» дар Ширкати IRS хабар доданд.

Ҳамзамон дар намояндагии Варзоб низ нақшаи мавриди назар барзиёд иҷро гардида, бо истифода аз 7174,30 тонна мумқири истеҳсоли корхонаҳои худӣ 50363 метри мураббаъ таъмир шуд, ки 109 фоизи иҷрои нақшро дар бар мегирад.

Аз ҷониби кормандони намояндагии минтақаи Суғд 103237, 94 метри мураббаъ роҳ таъмир ва барои ин кор 12011,40 тонна асфалт сарф гардид. Иброз шуд, ки ҳоло зиёда аз 800 нафар дар филиали ширкат фаъолият доранду маҳз ба шарофати меҳнати пурмаҳсули онҳо роҳи Душанбе – Чанок мунтазам кушода аст.

IRS барои дар сатҳи баланд ва ҷавобгӯ ба талаботи бахши роҳсозӣ амалӣ намудани вазифа имконият ва шароити зарурӣ, аз қабили мутахассисони болаёқат, корхонаҳои истеҳсоли асфалт, таҷҳизоти замонавӣ, техникаҳои пуриқтидор дошта, аз онҳо самаранок истифода менамояд.

АКС: Филиали Ширкати саҳомии «Инновейтив Роуд Солюшнз ЛТД» дар Ҷумҳурии Тоҷикистон