Имрӯз дар қаламрави Тоҷикистон заминларза ба амал омад

ДУШАНБЕ, 04.10.2023 /АМИТ «Ховар»/. Имрӯз, соати 03:31 ба вақти маҳаллӣ дар қаламрави Ҷумҳурии Тоҷикистон заминларза ба амал омад. Дар ин хусус АМИТ «Ховар» бо истинод ба Кумитаи ҳолатҳои фавқулода ва мудофиаи граждании  назди Ҳукумати Ҷумҳурии Тоҷикистон хабар медиҳад.

Маркази заминларза дар километри 7-уми самти ҷанубу шарқи шаҳри Душанбе, дар ҳудуди ноҳияи Рӯдакӣ воқеъ буд.

Қувваи заминларза дар маркази он  2-3 балл ва дар шаҳри Душанбе 2 баллро ташкил додааст.

Талафоти ҷонӣ ва хисорот сабт нашудааст.

АКС: Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон