Дар Вазорати кишоварзӣ таъсиси Кумитаи роҳбарикунандаи лоиҳаи «Дастгирии соҳаи кишоварзӣ дар заминаи ҷомеа» баррасӣ шуд

ДУШАНБЕ, 26.12.2024 /АМИТ «Ховар»/. Дар Вазорати кишоварзии Ҷумҳурии Тоҷикистон ҷаласаи Кумитаи роҳбарикунандаи Маркази идораи Лоиҳаи «Рушди чорводорӣ ва чарогоҳҳо» баргузор гардид, ки зимни он масъалаи таъсиси Кумитаи роҳбарикунандаи лоиҳаи «Дастгирии соҳаи кишоварзӣ дар заминаи ҷомеа» мавриди баррасӣ қарор гирифт. Дар ин хусус ба АМИТ «Ховар» дар Вазорати кишоварзӣ хабар доданд.

Дар кори ҷаласа Раиси кумитаи роҳбарикунанда- Вазири кишоварзии Тоҷикистон, директори Маркази идораи Лоиҳаи «Рушди чорводорӣ ва чарогоҳҳо», намояндагони вазоратҳои рушди иқтисод ва савдо, молия, кумитаҳои давлатии сармоягузорӣ ва идораи амволи давлатӣ, давлатии идораи замин ва геодезӣ, ҳифзи муҳити зист, бехатарии озуқаворӣ, ҳолатҳои фавқулода ва гражданӣ, агентиҳои беҳдошти замин ва обёрӣ, хоҷагии ҷангал ва Академияи илмҳои кишоварзии Тоҷикистон иштирок намуданд.

Дар ҷаласа масъалаҳои татбиқи лоиҳаи «Дастгирии соҳаи кишоварзӣ дар заминаи ҷомеа» ва лоиҳаи «Дастгирии ғизои мактабӣ» мавриди баррасӣ қарор дода шуд.

Ҳамзамон аъзои Кумитаи роҳбарикунанда ҷиҳати пешбурди кору иҷрои сифатноки он ва дигар масъалаҳои марбут ба лоиҳа ибрози назар намуданд.

АКС: Маркази матбуот ва иттилооти Вазорати кишоварзии Ҷумҳурии Тоҷикистон